Skólamálin ofarlega á baugi í Mosó Sveinn Arnarsson skrifar 28. apríl 2014 15:40 Lágafellslaug fyrir miðri mynd í Mosfellsbæ. Vísir/GVA Sex framboð ætla að bjóða fram krafta sína í komandi sveitarstjórnarkosningum, eða fjórflokkurinn, Íbúahreyfing Mosfellsbæjar og Mosfellslistinn. Á kjörskrá í kosningunum er 6.441 en fjölgun íbúa í Mosfellsbæ hefur verið mikil síðustu tíu ár. Í Mosfellsbæ bjuggu 9.075 íbúar þann 1. janúar síðastliðinn. Fjöldi íbúa hefur aukist jafnt og þétt síðasta áratuginn og er fjölgunin í Mosfellsbæ um 37 prósent á síðustu tíu árum. Fjölgun íbúa hefur verið stöðug undanfarið, eða um rúma 100 íbúa á ári á yfirstandandi kjörtímabili.Bæjarfulltrúum fjölgað í níu Á kjörskrá í komandi kosningum er 6.441 kjósandi. Sex framboð hafa gefið það út að þau ætli að bjóða fram krafta sína. Það er fjórflokkurinn svokallaði, Íbúahreyfing Mosfellsbæjar, sem náði inn manni í bæjarstjórn í síðustu kosningum, og Mosfellslistinn sem leiddur er af Valdimar Leó Friðrikssyni, fyrrverandi alþingismanni. Árið 2006 mynduðu Sjálfstæðisflokkurinn og Vinstri græn meirihluta. Sá meirihluti hélt velli í kosningunum 2010 og vel það. Sjálfstæðismenn fengu þar hreinan meirihluta og hefðu þar af leiðandi ekki þurft á hjálp VG að halda til að mynda starfhæfan meirihluta. Samt sem áður héldu þessir flokkar áfram samstarfi og eru því fimm bæjarfulltrúar í meirihluta á móti aðeins tveimur í minnihluta, fulltrúa Samfylkingar og Íbúahreyfingarinnar. Framsóknarflokkurinn kom ekki að manni í bæjarstjórn árið 2010. Á næsta kjörtímabili verður bæjarfulltrúum fjölgað í Mosfellsbæ um tvo, úr sjö í níu.Haraldur Sverrisson.Samstaða um stærstu málin Haraldur Sverrisson er núverandi bæjarstjóri Mosfellsbæjar og oddviti Sjálfstæðisflokksins. Hann leiðir nú lista flokksins í annað skipti. Haraldur tók við stöðu bæjarstjóra árið 2007 af Ragnheiði Ríkharðsdóttur sem lét þá af embætti sökum þingsetu. Haraldur telur að starfið á kjörtímabilinu hafi gengið mjög vel í langflestum tilvikum og samstaða hafi verið um stærstu mál milli meirihluta og minnihluta. Samstarf við minnihluta hafi verið gott og hann leggi verk sjálfstæðismanna stoltur í dóm kjósenda. „Við höfum tekið í gagnið nýtt hjúkrunarheimili og nýtt þjónustuhús fyrir aldraða á kjörtímabilinu. Samkvæmt þjónustukönnun Capacent Gallup mælist ánægja með búsetu mest í Mosfellsbæ, af því erum við stolt.“ Karl Tómasson, oddviti VG á síðasta kjörtímabili, lætur nú af störfum eftir átta ára meirihlutasamstarf með Sjálfstæðisflokki. Hann er ánægður með árin átta og gengur sáttur frá borði. „Mér finnst mikilvægt að láta af störfum nú þegar allir eru glaðir og þetta gengur vel. VG í Mosfellsbæ var fyrsta félagið í sögu VG til að vera í meirihluta á landinu, af því er ég einnig mjög stoltur. Úrtölumenn höfðu miklar efasemdir til að byrja með yfir samstarfi VG við sjálfstæðismenn, en þetta er líklega meira spurning um fólk en flokka þegar kemur að stjórnun sveitarfélags.“Vantar upp á félagslegu hliðina Bjarki Bjarnason, sagnfræðingur og kennari, tekur við kefli oddvita. Spurður að því hvort vænta megi breytinga á áherslum VG með hann sem oddvita og hvort honum hugnist áfram samstarf við Sjálfstæðisflokkinn að loknum kosningum svaraði hann því til að flokkurinn gengi óbundinn til kosninga. Engin stór mál hefðu komið upp og ekki hefði slegið í brýnu milli flokkanna. Óðinn Pétur Vigfússon er nýr oddviti Framsóknarflokksins í komandi kosningum. Framsóknarflokkurinn náði ekki inn manni í kosningunum 2010. Hann telur atvinnumál og fræðslumál verða ofan á sem helstu kosningamál í vor. „Það er svolítið einkennandi fyrir bæjarfélög sem Sjálfstæðisflokkurinn stýrir að það vantar aðeins upp á félagslegu hliðina,“ segir Óðinn Pétur. Fræðslumál bæjarfélagsins eru að mati Óðins Péturs í ólestri. „Það þarf að endurskoða þessa „skúrastefnu“ í skólamálum. Það eru allt of margar lausar kennslustofur á lóðum skólanna í bænum.“ Um atvinnumálin segir Óðinn Pétur að lítið sé að gerast í málaflokknum í sveitarfélaginu. „Það þarf að auka framkvæmdir einkafyrirtækja og ég vil skoða þann möguleika að létta undir með fyrirtækjum með einhvers konar ívilnunum og niðurfellingu opinberra gjalda. Mosfellsbær má ekki verða svefnbær.“ Anna Sigríður Guðnadóttir er nýr oddviti Samfylkingarinnar. Hún er sammála því sem kemur fram hjá oddvitum meirihlutaflokkanna að ekki hafi verið mikil átök. Þó hafi myndast núningur hvað varðar samráð við íbúa. „Aðalágreiningurinn varð nú undir lok kjörtímabilsins, um vandræði bæjarfélagsins í málefnum skólamannvirkja. Það verður stóra kosningamálið. Allt of mikið af lausum kennslueiningum og samráðið við foreldra er sýndarleikur. Foreldrum barna finnst ekki hlustað á sig.“Valdimar Leó Friðriksson.Vísir/ValliSkólamálin ofarlega á baugi Jón Jósef Bjarnason er núverandi oddviti Íbúahreyfingarinnar, sem fékk einn mann kjörinn í síðustu kosningum. Íbúahreyfingin leggur áherslu á gagnsæi og heilbrigt lýðræði. „Íbúahreyfingin hefur verið dugleg við að benda á lögbrot meirihlutans á kjörtímabilinu, til dæmis þegar bærinn skrifaði undir sjálfskuldarábyrgð einkaaðila í Helgafellsbyggingarmálinu svokallaða.“ Hann telur að skólamálin verði ofarlega á baugi í komandi sveitarstjórnarkosningum. Um uppröðun á lista sagði hann Íbúahreyfinguna ekki vera búna að stilla upp lista. „Ég verð í einu af efstu sætum listans,“ sagði Jón Jósef. Valdimar Leó Friðriksson mun leiða nýjan lista, Mosfellslistann, í kosningunum í vor. Á meðal helstu stefnumála listans er að ráða ópólitískan bæjarstjóra. „Tryggja verður að hann sé framkvæmdastjóri allra bæjarbúa.“ Einnig segir Valdimar Leó: „Eitt af hlutverkum Mosfellsbæjar er að skapa atvinnutækifæri og hlúa að þeim fyrirtækjum sem fyrir eru. Einnig er það gríðarlega mikilvægt fyrir bæinn okkar að ná niður umferðarhraða í gegnum Mosfellsbæ og Mosfellsdal.“ Kosningar 2014 fréttir Kosningar 2014 Höfuðborgarsvæðið Mest lesið Haft höggbor beint fyrir utan í hálft ár og kominn með nóg Innlent Föst á Spáni næstu mánuði vegna meðgöngukvilla Innlent Hátt spennustig um borð eftir að ísraelski sjóherinn hóf handtökur Innlent Refsing fyrir að reyna að myrða lækni þyngd Innlent Tveggja vikna tvíburasystrum vísað úr landi Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent POTS-samtök fá lögfræðing í málið: „Margir eru rúmliggjandi í dag“ Innlent Fleiri fréttir Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Sjá meira
Sex framboð ætla að bjóða fram krafta sína í komandi sveitarstjórnarkosningum, eða fjórflokkurinn, Íbúahreyfing Mosfellsbæjar og Mosfellslistinn. Á kjörskrá í kosningunum er 6.441 en fjölgun íbúa í Mosfellsbæ hefur verið mikil síðustu tíu ár. Í Mosfellsbæ bjuggu 9.075 íbúar þann 1. janúar síðastliðinn. Fjöldi íbúa hefur aukist jafnt og þétt síðasta áratuginn og er fjölgunin í Mosfellsbæ um 37 prósent á síðustu tíu árum. Fjölgun íbúa hefur verið stöðug undanfarið, eða um rúma 100 íbúa á ári á yfirstandandi kjörtímabili.Bæjarfulltrúum fjölgað í níu Á kjörskrá í komandi kosningum er 6.441 kjósandi. Sex framboð hafa gefið það út að þau ætli að bjóða fram krafta sína. Það er fjórflokkurinn svokallaði, Íbúahreyfing Mosfellsbæjar, sem náði inn manni í bæjarstjórn í síðustu kosningum, og Mosfellslistinn sem leiddur er af Valdimar Leó Friðrikssyni, fyrrverandi alþingismanni. Árið 2006 mynduðu Sjálfstæðisflokkurinn og Vinstri græn meirihluta. Sá meirihluti hélt velli í kosningunum 2010 og vel það. Sjálfstæðismenn fengu þar hreinan meirihluta og hefðu þar af leiðandi ekki þurft á hjálp VG að halda til að mynda starfhæfan meirihluta. Samt sem áður héldu þessir flokkar áfram samstarfi og eru því fimm bæjarfulltrúar í meirihluta á móti aðeins tveimur í minnihluta, fulltrúa Samfylkingar og Íbúahreyfingarinnar. Framsóknarflokkurinn kom ekki að manni í bæjarstjórn árið 2010. Á næsta kjörtímabili verður bæjarfulltrúum fjölgað í Mosfellsbæ um tvo, úr sjö í níu.Haraldur Sverrisson.Samstaða um stærstu málin Haraldur Sverrisson er núverandi bæjarstjóri Mosfellsbæjar og oddviti Sjálfstæðisflokksins. Hann leiðir nú lista flokksins í annað skipti. Haraldur tók við stöðu bæjarstjóra árið 2007 af Ragnheiði Ríkharðsdóttur sem lét þá af embætti sökum þingsetu. Haraldur telur að starfið á kjörtímabilinu hafi gengið mjög vel í langflestum tilvikum og samstaða hafi verið um stærstu mál milli meirihluta og minnihluta. Samstarf við minnihluta hafi verið gott og hann leggi verk sjálfstæðismanna stoltur í dóm kjósenda. „Við höfum tekið í gagnið nýtt hjúkrunarheimili og nýtt þjónustuhús fyrir aldraða á kjörtímabilinu. Samkvæmt þjónustukönnun Capacent Gallup mælist ánægja með búsetu mest í Mosfellsbæ, af því erum við stolt.“ Karl Tómasson, oddviti VG á síðasta kjörtímabili, lætur nú af störfum eftir átta ára meirihlutasamstarf með Sjálfstæðisflokki. Hann er ánægður með árin átta og gengur sáttur frá borði. „Mér finnst mikilvægt að láta af störfum nú þegar allir eru glaðir og þetta gengur vel. VG í Mosfellsbæ var fyrsta félagið í sögu VG til að vera í meirihluta á landinu, af því er ég einnig mjög stoltur. Úrtölumenn höfðu miklar efasemdir til að byrja með yfir samstarfi VG við sjálfstæðismenn, en þetta er líklega meira spurning um fólk en flokka þegar kemur að stjórnun sveitarfélags.“Vantar upp á félagslegu hliðina Bjarki Bjarnason, sagnfræðingur og kennari, tekur við kefli oddvita. Spurður að því hvort vænta megi breytinga á áherslum VG með hann sem oddvita og hvort honum hugnist áfram samstarf við Sjálfstæðisflokkinn að loknum kosningum svaraði hann því til að flokkurinn gengi óbundinn til kosninga. Engin stór mál hefðu komið upp og ekki hefði slegið í brýnu milli flokkanna. Óðinn Pétur Vigfússon er nýr oddviti Framsóknarflokksins í komandi kosningum. Framsóknarflokkurinn náði ekki inn manni í kosningunum 2010. Hann telur atvinnumál og fræðslumál verða ofan á sem helstu kosningamál í vor. „Það er svolítið einkennandi fyrir bæjarfélög sem Sjálfstæðisflokkurinn stýrir að það vantar aðeins upp á félagslegu hliðina,“ segir Óðinn Pétur. Fræðslumál bæjarfélagsins eru að mati Óðins Péturs í ólestri. „Það þarf að endurskoða þessa „skúrastefnu“ í skólamálum. Það eru allt of margar lausar kennslustofur á lóðum skólanna í bænum.“ Um atvinnumálin segir Óðinn Pétur að lítið sé að gerast í málaflokknum í sveitarfélaginu. „Það þarf að auka framkvæmdir einkafyrirtækja og ég vil skoða þann möguleika að létta undir með fyrirtækjum með einhvers konar ívilnunum og niðurfellingu opinberra gjalda. Mosfellsbær má ekki verða svefnbær.“ Anna Sigríður Guðnadóttir er nýr oddviti Samfylkingarinnar. Hún er sammála því sem kemur fram hjá oddvitum meirihlutaflokkanna að ekki hafi verið mikil átök. Þó hafi myndast núningur hvað varðar samráð við íbúa. „Aðalágreiningurinn varð nú undir lok kjörtímabilsins, um vandræði bæjarfélagsins í málefnum skólamannvirkja. Það verður stóra kosningamálið. Allt of mikið af lausum kennslueiningum og samráðið við foreldra er sýndarleikur. Foreldrum barna finnst ekki hlustað á sig.“Valdimar Leó Friðriksson.Vísir/ValliSkólamálin ofarlega á baugi Jón Jósef Bjarnason er núverandi oddviti Íbúahreyfingarinnar, sem fékk einn mann kjörinn í síðustu kosningum. Íbúahreyfingin leggur áherslu á gagnsæi og heilbrigt lýðræði. „Íbúahreyfingin hefur verið dugleg við að benda á lögbrot meirihlutans á kjörtímabilinu, til dæmis þegar bærinn skrifaði undir sjálfskuldarábyrgð einkaaðila í Helgafellsbyggingarmálinu svokallaða.“ Hann telur að skólamálin verði ofarlega á baugi í komandi sveitarstjórnarkosningum. Um uppröðun á lista sagði hann Íbúahreyfinguna ekki vera búna að stilla upp lista. „Ég verð í einu af efstu sætum listans,“ sagði Jón Jósef. Valdimar Leó Friðriksson mun leiða nýjan lista, Mosfellslistann, í kosningunum í vor. Á meðal helstu stefnumála listans er að ráða ópólitískan bæjarstjóra. „Tryggja verður að hann sé framkvæmdastjóri allra bæjarbúa.“ Einnig segir Valdimar Leó: „Eitt af hlutverkum Mosfellsbæjar er að skapa atvinnutækifæri og hlúa að þeim fyrirtækjum sem fyrir eru. Einnig er það gríðarlega mikilvægt fyrir bæinn okkar að ná niður umferðarhraða í gegnum Mosfellsbæ og Mosfellsdal.“
Kosningar 2014 fréttir Kosningar 2014 Höfuðborgarsvæðið Mest lesið Haft höggbor beint fyrir utan í hálft ár og kominn með nóg Innlent Föst á Spáni næstu mánuði vegna meðgöngukvilla Innlent Hátt spennustig um borð eftir að ísraelski sjóherinn hóf handtökur Innlent Refsing fyrir að reyna að myrða lækni þyngd Innlent Tveggja vikna tvíburasystrum vísað úr landi Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent POTS-samtök fá lögfræðing í málið: „Margir eru rúmliggjandi í dag“ Innlent Fleiri fréttir Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent