Innlent

„Við leggjumst gegn þeim áformum að flugvallarstarfsemi víki úr Vatnsmýrinni“

Stefán Árni Pálsson skrifar
mynd/aðsend
Í dag mun Hjartað í Vatnsmýri afhenda Einari K. Guðfinnssyni, forseta Alþingis, áskorun til stjórnvalda sem rúmlega 69.000 manns hafa skrifað undir á lending.is og á undirskriftalistum um land allt.

Afhendingin fer fram í anddyri Alþingis en félagið Hjartað í Vatnsmýrinni leggst gegn þeim áformum að flugvöllurinn í Reykjavík víki úr Vatnsmýrinni.

Áskorunin hljóðar svo:

„Við leggjumst gegn þeim áformum að flugvallarstarfsemi víki úr Vatnsmýrinni og skorum á Reykjavíkurborg og Alþingi að tryggja öllum landsmönnum óskerta flugstarfsemi í Vatnsmýri til framtíðar.“

Samtökin afhentu Jóni Gnarr, borgarstjóra, sama undirskriftalista í september á síðasta ári.

Í tilkynningu frá samtökunum segir að um fjölmennustu áskorun til stjórnvalda frá upphafi sé að ræða.

Kosningar 2014 fréttir Kosningar 2014 Höfuðborgarsvæðið

Mest lesið


Fleiri fréttir

Sjá meira


×

Mest lesið