Margir í toppbaráttunni á Crowne Plaza Invitational

Það stefnir allt í spennandi lokahring á Crowne Plaza Invitational mótinu sem fram fer á Colonial vellinum í Texas en fjórir kylfingar deila efsta sætinu á sjö höggum undir pari. Það eru þeir Chris Stroud, Chad Campbell, David Thoms og Hideki Matsuyama en sex kylfingar deila fimmta sætinu á sex höggum undir pari.

Alls eru 49 kylfingar sem eru innan við fimm höggum frá efsta sætinu og getur því hver sem er gert atlögu að titlinum í dag með góðum lokahring. Adam Scott er meðal þeirra en hann er á fimm höggum undir pari, einu höggi betri en heimamaðurinn Jordan Spieth sem er á fjórum undir.

Lokahringurinn verður í beinni útsendingu á Golfstöðinni frá klukkan 17:00 í kvöld en þegar að mótinu líkur verður skipt yfir í beina útsendingu frá Airbus LPGA Classic þar sem bestu kvenkylfingar heims etja kappi.