Formúla 1

Raikkonen ætlar að hætta eftir 2015

Kristinn Ásgeir Gylfason skrifar
Kimi Raikkonen er ekki sólgin í Formúlu 1.
Kimi Raikkonen er ekki sólgin í Formúlu 1. Vísir/Getty
Kimi Raikkonen, ökumaður Ferrari hyggst hætta í Formúlu 1 eftir næsta keppnistímabil. Þegar gildandi samningur hans við Ferrari tekur enda.

Raikkonen kom til liðs við Ferrari fyrir tímabilið, þegar ítalska liðið ákvað að framlengja ekki samning Felipe Massa. Raikkonen skrifaði þá undir tveggja ára samning sem nær út keppnistímabilið 2015.

Þegar Finninn var spurður hvort hann hugðist vera lengi hjá Ferrari svaraði hann „Út samningstíman og þá mun ég sennilega hætta. Ég tel það líklegast.“

Raikkonen hefur áhuga á að aka í öðrum flokkum mótorsports. Hann hefur þó ekki fest hug sinn á ákveðin flokk eftir Formúlu 1.

„Ég hef prófað margt og það er enginn skaði af því, það skemmir ekkert fyrir að aka í öðrum flokkum samhliða Formúlu 1, ég held að það geti hjálpa og það skaðar klárlega ekki. Maður lærir alltaf þegar maður ekur öðruvísi tækjum en vandamálið er að liðið óttast meiðsl svo það er alltaf rígur vegna þess,“ sagði Kimi Raikkonen.

„Ég held ekki,“ var svar Raikkonen við spurningunni hvort hann héldi áfram í Formúlu 1 ef hann fengi einnig að aka í öðrum flokkum.

Margir Formúlu 1 aðdáendur munu eflaust sakna hins litríka ökumanns. Spennandi verður að fylgjast með kappanum í framtíðinni. Það er þó enn 1 og hálft tímabil eftir af Kimi Raikkonen í Formúlu 1.

Formúla

Tengdar fréttir

Raikkonen: Ekki fleiri tilviljanakenndir snúningar

Kimi Raikkonen hefur átt í ítrekuðum vandræðum með að halda Ferrari bíl sínum í skefjum í beygjum á tímabilinu. Ótt og títt virðist bíllinn snúast án nokkurrar teljandi ástæðu. Raikkonen telur að nú sé liðið búið að finna lausnina á vandanum.

Nico Rosberg fyrstur í mark í Austurríki

Nico Rosberg vann keppnina í Austurríki, liðsfélagi hans Lewis Hamilton á Mercedes varð annar og Valtteri Bottas á Williams varð þriðji. Fjórfaldi heimsmeistarinn Sebastian Vettel hætti keppni.

Samantekt frá austurríska kappakstrinum í formúlu 1

Stöð 2 Sport sýndi beint frá Formúlu 1 kappakstrinum í Austurríki í dag og eftir kappaksturinn var farið yfir það helsta sem gerðist í keppninni í dag. Nú er hægt að sjá Samantektarþáttinn hér inn á Vísi.

Ísmaðurinn hefur verið óheppinn

Finninn Kimi Raikkonen sem ekur fyrir Ferrari telur að frammistaða sín í ár hafi verið betri en úrslitin hafi sýnt. Hann telur ólán sitt felast í atvikum sem hann fær ekki stjórnað.

Mest lesið


Fleiri fréttir

Sjá meira


×

Mest lesið