Ekki er allt vænt sem er grænt

Það er mikilvægt að borða nóg af grænu grænmeti, eins og flestir vita. Margir fá sér græna djúsa til þess að innleiða grænmeti í mataræði sitt – en ekki er allt vænt sem er grænt. Oft getur leynst mikill falinn sykur í aðkeyptum grænum djúsum.

Mælt er með því að takmarka ávexti og önnur sætindi í djúsnum, en þess í stað reyna að hafa meira af grænmeti í honum.

Hér fylgir uppskrift af einum vel grænum:

1 bolli kókosvatn

1 bolli möndlumjólk

1 bolli spínat

1 bolli grænkál

1/2 lárpera

1/2 tsk spirulina duft

1/2 tsk chlorella duft

1/2 tsk maca duft

1/2 tsk kanill

1/4 tsk himalaya salt

1/2 lime kreist yfir

1/2 bolli ísmolar

Blandið öllum hráefnunum saman í blandara á hæstu stillingu og njótið!

Svo er auðvitað ekkert því til fyrirstöðu að fá sér einn ögn sætari á tyllidögum og blanda þá ávöxtum, berjum og hnetusmjöri saman við grænmetið.