Góð veiði í Steinsmýrarvötnum

Steinsmýrarvötn hafa lifnað vel við og það hefur veiðst vel þar um helgina bæði sjóbirtingur og bleikja.

Þetta er virkilega skemmtilegt veiðisvæði og er alveg ferðarinnar virði frá Reykjavík en svæðið er 300 km frá bænum.  Svæðið samanstendur af tveimur vötnum og lækjum sem renna í þau og úr og litlir hliðarlækir sömuleiðis.  Þarna er að finna bæði sjóbirting og bleikju og er fiskurinn oft sæmilega vænn en meðalþyngdin t.d. í bleikjunni er 2-3 pund og stundum koma birtingar þarna sem slaga vel í 10 pundin.  Við fréttum af veiðimönnunum sem skruppu á svæðið í tvo tíma um helgina og tóku um 40 fiska á stangirnar fjórar.  Það er klárlega mikið líf á svæðinu á þessum tíma enda sjóbirtingurinn farinn að ganga.  Þeir sem hafa áhuga á að veiða þetta svæði geta skoðað lausar stangir á vef SVFR.