Kristján og Valdís leiða á Akranesi

Kristján Þór Einarsson úr Golfklúbbnum Kili hefur eins högg forystu í karlaflokki á sjötta móti Eimskipsmótaraðarinnar sem leikin er á Garðavelli Akranesi.

Í kvennaflokki leiðir Valdís Þóra Jónsdóttir úr Golfklúbbnum Leyni. Á morgun leika kylfingar annan hringinn af þremur en mótinu lýkur á sunnudaginn.

 

Kristján Þór sem hefur leikið frábært golf í sumar lék hringinn í dag á 69 höggum eða 3 höggum undir pari en hann nældi í einn örn, 3 fugla og 12 pör í dag.

Í öðru sæti á 70 höggum eða 2 höggum undir pari er Guðni Fannar Carrico úr Golfklúbbi Suðurnesja.

Axel Bóasson úr Golfklúbbnum Keili, Stefán Már Stefánsson og Guðmundur Ágúst Kristjánsson úr Golfklúbbi Reykjavíkur eru jafnir í þriðja sæti en þeir léku hringinn í dag á 73 eða á 1 höggi yfir pari.

 

Valdís Þóra úr Golfklúbbnum Leyni er í forystu í kvennaflokki á 71 höggi eða 1 höggi undir pari, Valdís fékk í dag 4 fugla, 12 pör, 1 skolla og 1 skramba(+2) en hún er á heimavelli í mótinu.

í öðru sæti er Íslandsmeistarinn Ólafía Þórunn Kristinsdóttir úr Golfklúbbi Reykjavíkur á 72 höggum eða á pari vallarins. Í þriðja sæti er Þórdís Geirsdóttir úr Golfklúbbnum Keili á 75 höggum eða 3 höggum yfir pari.