Þrenna hjá Ronaldo sem jafnaði met Di Stéfano og Zarra

Cristiano Ronaldo halda engin bönd í spænsku 1. deildinni þessa dagana, en hann skoraði þrennu í 5-0 stórsigri Real Madrid á Athletic Bilbao í kvöld.

Ronaldo byrjaði strax á annarri mínútu þegar hann kom Real Madrid í 1-0, en hin tvö mörkin komu á 55. mínútu og svo á 88. mínútu.

Þetta er 22. þrennan sem Ronaldo skorar í spænsku 1. deildinni og hefur hann þar með jafnað met goðsagnanna Alfredo Di Stéfano og TelmoZarra.

Ronaldo er búinn að skora 13 mörk í fyrstu sjö umferðunum, þar af þrjár þrennur. Real er með fimmtán stig í fjórða sæti deildarinnar.

Karim Benzema skoraði hin tvö mörkin fyrir Real Madrid sem átti í engum vandræðum með að leggja Baskana að velli í kvöld.