Grindavík fær stigahæsta leikmann dönsku deildarinnar

Lið Grindavíkur í Domino's deild karla hefur samið við Kanadamanninn Joey Haywood að leika með liðinu í vetur. Þetta kemur fram á Karfan.is.

Haywood, sem er þrítugur bakvörður, lék með Aalborg Vikings í dönsku úrvalsdeildinni í fyrravetur. Haywood var stigahæsti leikmaður deildarinnar með 25,1 stig að meðaltali í leik, auk þess sem hann tók 3,9 fráköst og gaf 3,4 stoðsendingar.

Haywood nýtti 50% skota sinna inni í teig og 41,3% fyrir utan þriggja stiga línunnar. Þá var hann annar í kjörinu á mikilvægasta leikmanni dönsku deildarinnar.

Grindavík sækir Hauka heim í fyrsta leik sínum í Domino's deildinni í kvöld.