Markalaust hjá Everton í Frakklandi - úrslit úr Evrópudeildinni

Everton er ennþá taplaust í riðlakeppni Evrópudeildarinnar eftir markalaust jafntefli á útivelli á móti franska liðinu Lille í kvöld. Það er þó nokkur spenna í riðlinum en í honum spila líka Ragnar Sigurðsson og félagar í rússneska liðinu Krasnodar.

Franska liðið byrjaði mun betur í kvöld og var sterkar í fyrri hálfleiknum en Romelu Lukaku átti fína innkomu af bekknum í seinni hálfleik og náði að lífga upp á sóknarleik Everton-liðsins.

Everton vann fyrsta leikinn sinn á móti Wolfsburg á heimavelli en hefur síðan gert jafntefli í tveimur útileikjum í röð á móti Krasnodar (1-1) og Lille (0-0).

Everton er í toppsæti riðilsins með fimm stig eða einu meira en Wolfsburg og tveimur meira en Lille. Ragnar og félagar duttu niður í botnsætið eftir tap á heimavelli fyrir Wolfsburg fyrr í dag.

Króatinn Andrej Kramarić skoraði öll mörk Rijeka í 3-1 sigri á hollenska liðinu Feyenoord en þetta var fyrstu sigur Rijeka-liðsins í riðlinum.

Danska liðið AaB frá Álaborg vann frábæran 3-0 heimasigur á Dynamo Kiev en úkraínska liðið var búið að vinna tvo fyrstu leiki sína í riðlinum.

Svissneska liðið Young Boys vann 2-0 sigur á ítalska liðinu Napoli en hinum leik riðilsins á milli Slovan Bratislava og Sparta Prag var hætt vegna slagsmála áhorfenda.

Hér fyrir neðan eru úrslit úr þeim leikjum Evrópudeildarinnar í dag sem hófust klukkan 17.00.



Úrslit úr leikjum Evrópudeildarinnar í kvöld:

Leikir klukkan 17.00

G-riðill

Rijeka - Feyenoord    3-1

1-0 Andrej Kramaric (63.), 1-1 Jens Toornstra (66.), 2-1 Andrej Kramaric (71.), 3-1 Andrej Kramaric, víti (76.)

Standard Liège - Sevilla    0-0

H-riðill

Lille - Everton    0-0

Krasnodar - Wolfsburg    2-4

0-1 Sjálfsmark (37.), 0-2 Kevin De Bruyne (46.), 1-2 Andreas Granqvist (51.), 1-3 Luiz Gustavo (64.), 1-4 Kevin De Bruyne (80.), 2-4 Wánderson (86.).

I-riðill

Slovan Bratislava - Sparta Prag    0-2 (í gangi)

(Gert var hlé á leiknum á 40. mínútu vegna slagsmála í stúkunni)

0-1 David Lafata (56.), 0-2 Tiémoko Konaté (61.).

Young Boys - Napoli    2-0

1-0 Guillaume Hoarau (52.), 2-0 Leonardo Bertone (90.+2)

J-riðill

AaB Álaborg - Dynamo Kiev    3-o

1-0 Thomas Enevoldsen (11.), 2-0 Nicolaj Thomsen (39.), 3-0 Nicolaj Thomsen (90.+1)

Steaua Búkarest - Rio Ave    2-1

1-0 Raul Rusescu (17.), 2-0 Raul Rusescu (45.) 2-1 Yonathan Del Valle (48.)

K-riðill

Dinamo Minsk - Guingamp    0-0

PAOK - Fiorentina    0-1

0-1 Juan Vargas (38.)

L-riðill

Trabzonspor - Lokeren    2-0

1-0 Mustapha Yatabaré (54.), 2-0 Kévin Constant (86.)