Rosberg fljótastur á föstudegi

Nico Rosberg var fljótastur á báðum æfingum dagsins fyrir Brasilíukappaksturinn. Nokkrir ökumenn glímdu vandamál tengd nýju slitlagi á Interlagos brautinni.

Helstu tíðindi frá fyrri æfingu dagsins eru að Daniil Kvyat á Toro Rosso varð þriðji á eftir Lewis Hamilton. Bæði Jenson Button á McLaren og Esteban Gutierrez á Sauber sátu mest alla æfinguna á þjónustusvæðinu vegna tæknivandræða.

Rosberg virðist ekki ætla að gefast upp í baráttunni um heimsmeistaratitil ökumanna. Hamilton leiðir með 24 stigum þegar tvær keppnir eru eftir. Rosberg varð þó fljótastur á seinni æfingu dagsins líka. Það eru öll merki á lofti um spennandi tímatöku og kappakstur.

Hamilton var rúmlega tveimur tíundu úr sekúndu hægari en Rosberg á seinni æfingunni, líkt og þeirri fyrri. Kimi Raikkonen varð þriðji á eftir Mercedes mönnum, rúmlega hálfri sekúndu á eftir Rosberg.

Ferrari bíll Fernando Alonso stóð í ljósum logum um miðbik æfingarinnar. Það gæti leitt til þess að Alonso ræsi frá þjónustusvæðinu líkt og Sebastian Vettel gerði síðustu helgi.

Tímatakan fer fram á morgun og hefst útsending á Stöð 2 Sport 3 klukkan 15:50, en keppnin fer fram á sunnudag og verður í beinni útsendingu á Stöð 2 Sport, útseding hefst þá klukkan 15:30.