Damon geymdi öll stigin sín þar til í seinni hálfleik

Damon Johnson og félagar í Keflavík unnu endurkomusigur á ÍR í TM-höllinni í Keflavík í gær en ÍR-ingar voru sex stigum yfir í hálfleik, 33-39.

William Thomas Graves skoraði 39 stig í leiknum og átti stórleik en það er líka vert að minnast á það að Damon Johnson geymdi öll stigin sín í leiknum þar til í seinni hálfleiknum.

Damon Johnson var stigalaust í fyrri hálfleiknum þar sem hann tók aðeins tvö skot á tæpum fimmtán mínútum og hitti úr hvorugu þeirra.

Damon hinsvegar öflugur inn í þriðja leikhlutann þar sem að hann skorað 11 af 24 stigum Keflavíkurliðsins sem tók frumkvæðið í leiknum með því að vinna þriðja leikhlutann 24-14.

Damon Johnson er fertugur en eins og oft áður er hann bestur þegar mest á reynir. Kappinn er með 17,5 stig og 7,3 fráköst að meðaltali í fyrstu sex leikjum Keflvíkinga í Dominos-deildinni í vetur.

Fyrri hálfleikurinn hjá Damon

Mínútur: 14:48

Stig: 0

Fráköst: 3

Stoðsendingar: 2

Varin skot: 1

Stolnir boltar: 0

Skotnýting: 0 af 2 (0 prósent)

Vítanýting: 0 af 0

Seinni hálfleikurinn hjá Damon

Mínútur: 18:56

Stig: 16

Fráköst: 4

Stoðsendingar: 2

Varin skot: 2

Stolnir boltar: 1

Skotnýting: 5 af 7 (71 prósent)

Vítanýting: 5 af 5 (100 prósent)