Snókermót eru ekki steggjapartí

Snókergoðsögnin Stephen Hendry er ekki ánægð með marga af bestu snókerspilurum heims í dag.

Hann segir að of margir snókerspilarar líti á mótin eins og steggjapartí þar sem þeir geti hagað sér eins og þeir vilji.

„Ég er vel tengdur og heyri af því sem er í gangi. Menn eru ekki að hugsa um sig og haga sér eins og þeir séu í steggjapartí þegar þeir eru að keppa," sagði Hendry en hann lagði kjuðann á hilluna fyrir tveim árum síðan.

„Hver einasti spilari þarf að líta í eigin barm og hugsa um sjálfan sig."