Helstu tæki ársins 2014

Fjöldin allur af raftækjum voru kynnt á árinu sem nú er að líða. Símar, tölvur, myndavélar og snjallúr. Þróunin virðist vera gífurlega hröð. Vísir stiklaði á stóru yfir nokkur af helstu raftækjunum sem litu dagsins ljós á árinu.

Fjölmörg snjallúr litu dagsins ljós á árinu en úrið frá LG, G Watch R, þykir vera það besta. Þar að auki er það dýrasta snjallúrið á hratt stækkandi markaði. Úrið fékk góða dóma fyrir útlit og rafhlöðuendingu.

Tæknirisinn Apple kynnti nýja borðtölvu á árinu sem stærir af hæstu upplausn sem tölvuskjáir bjóða yfir. Apple iMac with 5K Retina Display fékk stórgóða dóma þrátt fyrir hátt verð. Þá þykja burðir tölvunnar vera miklir.

Spjaldtölvan frá Microsoft, Surface Pro 3, er enn einn naglinn í líkkistu fartölvunnar. Hún er álíka kraftmikil og flestar fartölvur og er einmitt ætlað til að þess að leysa fartölvur af hólmi og hefur farið vel af stað á heimsvísu. Þrátt fyrir það fylgir lyklaborðið ekki með þegar spjaldtölvan er keypt. Lyklaborðið þykir einnig ekki vera nægilega gott.

Apple kynnti einnig nýjan iPad ár árinu, sem heitir iPad Air 2. Sá er minnsta spjaldtölva fyrirtækisins og jafnframt sú kraftmesta.

Oculus Rift gaf frá sér nýjan þróunarbúnað á árinu, en sýndarveruleikagleraugu fyrirtækisins munu koma í verslanir á næsta ári. Oculus Rift þykir efnilegast af þeim sýndarveruleikabúnaði sem er í þróun í dag.

Apple kynnti loks stærri útgáfu af iPhone síma fyrirtækisins, iPhone 6 Plus, eftir að notendur höfðu farið fram á það um árabil. Síminn hefur selst gífurlega vel á heimsvísu þrátt fyrir að talað hafi verið um að síminn bogni auðveldlega.

Starfsmenn Samsung hugsa oft út fyrir ramman þegar kemur að hönnun síma og þar er Samsung Galaxy Note Edge engin undartekning. Á hlið símans er kúptur skjár sem notaður er fyrir tilkynningar og margt fleira. Skjár símans þykir vera einn besti skjár sem snjallsímar státa af.

Fyrirtækið GoPro kynnti nýja myndavél á árinu, GoPro Hero4, sem býður upp á hærri upplausn og snertiskjá sem auðveldar viðmót. Rafhlöður vélarinnar hafa þó verið gagnrýndar, en hún er þó talin vera stórt skref áfram fyrir GoPro.