Taktur og tilfinningar

Menningarveisla Sólheima stendur sem hæst.

Balkanbandið Skuggamyndir frá Býsans leikur í kirkjunni þar á laugardaginn klukkan 14.

Á dagskrá er blanda af þjóðlögum frá Balkanskaganum en sú tónlist er annáluð fyrir tilfinningahita, stuð og ósamhverfar takttegundir.

Listmunir íbúa Sólheima eru til sýnis í Ingustofu og í Sesseljuhúsi eru fugla- og dýrateikningar eftir Jón Baldur Hlíðberg.

Ókeypis er á tónleikana og sýningarnar verða opnar í allt sumar.