Gott fólk sem gerir vonda hluti Frosti Logason skrifar 11. september 2014 07:00 Í dag er 11. september – dagsetning sem ég tengi ósjálfrátt við hryðjuverk og trúarofstæki. Í helgarblaði Fréttablaðsins las ég viðtal við Madsjíd Nili, mjög viðkunnanlegan sendiherra Írans á Íslandi. Íran er áhugavert ríki. Stjórnskipan þar mætti flokkast sem íslamskt lýðveldi. Þar ríkir trúarræði, með talsvert flókinni blöndu klerkaveldis og einhvers konar lýðræðislíkis. Íranski embættismaðurinn er í óþægilegri stöðu þegar hann tjáir sig um trúarbrögð sem stjórntæki á fólk og þjóðir. Hann viðurkennir að hryðjuverk og öfgafólk séu eitt helsta vandamál Mið-Austurlanda um þessar mundir. En bætir strax við að trúarbrögð séu ekki orsökin. „Hvaðan fá þeir fjármagnið og vopnin?” spyr Madsjíd Nili. Þarna fetar sendiherrann sömu braut og þeir sem aðhyllast vinsælar samsæriskenningar á borð við þá, að fámenn, en mjög valdaþyrst gyðingaklíka, í Bandaríkjunum sé meginuppspretta haturs og illverka í heiminum. Er þér alvara Madsjíd Nili? Er það virkilega tilfellið að ungir múslimar frá Bretlandi, Ástralíu og Noregi fari nú í stórum stíl til Sýrlands og Íraks til að afhöfða saklausa blaðamenn, krossfesta kristna og gyðinga og taka þátt í fjöldaaftökum á múslimum sem ekki tilheyra hinu rétta íslam vegna þess að það eru svo miklir peningar í jihad-bransanum? Eða lýsir þetta hugsanlega vanþekkingu sendiherrans á mannlegu eðli og náttúru? Vissulega getur gamla villimannseðlið verið ríkt í mörgum okkar á köflum. Í gegnum árþúsundir hefur það komið okkur að einhverju marki áfram í harðri lífsbaráttu mannkyns. En þróunarlíffræðingar eru flestir sammála um að samkenndin hafi ráðið mestu í þeirri baráttu. Það er hennar vegna sem við Vesturlandabúar fyllumst viðbjóði og sorg þegar við heyrum af opinberum hengingum samkynhneigðra á torgum úti í Teheran, höfuðborg íslamska lýðveldisins Írans. Vont fólk mun alltaf gera vonda hluti. Síkópatar gera það líka. Þeim er ekki sjálfrátt. En til að fá gott fólk til að framkvæma þann hrylling sem við sjáum daglega í fréttum frá Mið-Austurlöndum um þessar mundir, þá þarftu trúarbrögð. Viltu birta grein á Vísi? Sendu okkur póst. Senda grein Frosti Logason Mest lesið Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun Má berja blaðamenn? Sigríður Dögg Auðunsdóttir Skoðun Samfélagið innan samfélagsins Sigríður Svanborgardóttir Skoðun Hagur hluthafanna alltaf og undantekningarlaust í forgangi Jón Kaldal Skoðun Að flokka hver vinnur og hver tapar Tryggvi Rúnar Brynjarsson Skoðun Vonir um vopnahlé eins og hálmstrá Sveinn Rúnar Hauksson Skoðun Orðhengilsháttur og lygar Elín Erna Steinarsdóttir Skoðun Hvers vegna hatar SFS smábáta? Svarið tengist veiðigjöldum Kjartan Páll Sveinsson Skoðun Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun „Oft er flagð undir fögru skinni“ Guðmunda G. Guðmundsdóttir Skoðun
Í dag er 11. september – dagsetning sem ég tengi ósjálfrátt við hryðjuverk og trúarofstæki. Í helgarblaði Fréttablaðsins las ég viðtal við Madsjíd Nili, mjög viðkunnanlegan sendiherra Írans á Íslandi. Íran er áhugavert ríki. Stjórnskipan þar mætti flokkast sem íslamskt lýðveldi. Þar ríkir trúarræði, með talsvert flókinni blöndu klerkaveldis og einhvers konar lýðræðislíkis. Íranski embættismaðurinn er í óþægilegri stöðu þegar hann tjáir sig um trúarbrögð sem stjórntæki á fólk og þjóðir. Hann viðurkennir að hryðjuverk og öfgafólk séu eitt helsta vandamál Mið-Austurlanda um þessar mundir. En bætir strax við að trúarbrögð séu ekki orsökin. „Hvaðan fá þeir fjármagnið og vopnin?” spyr Madsjíd Nili. Þarna fetar sendiherrann sömu braut og þeir sem aðhyllast vinsælar samsæriskenningar á borð við þá, að fámenn, en mjög valdaþyrst gyðingaklíka, í Bandaríkjunum sé meginuppspretta haturs og illverka í heiminum. Er þér alvara Madsjíd Nili? Er það virkilega tilfellið að ungir múslimar frá Bretlandi, Ástralíu og Noregi fari nú í stórum stíl til Sýrlands og Íraks til að afhöfða saklausa blaðamenn, krossfesta kristna og gyðinga og taka þátt í fjöldaaftökum á múslimum sem ekki tilheyra hinu rétta íslam vegna þess að það eru svo miklir peningar í jihad-bransanum? Eða lýsir þetta hugsanlega vanþekkingu sendiherrans á mannlegu eðli og náttúru? Vissulega getur gamla villimannseðlið verið ríkt í mörgum okkar á köflum. Í gegnum árþúsundir hefur það komið okkur að einhverju marki áfram í harðri lífsbaráttu mannkyns. En þróunarlíffræðingar eru flestir sammála um að samkenndin hafi ráðið mestu í þeirri baráttu. Það er hennar vegna sem við Vesturlandabúar fyllumst viðbjóði og sorg þegar við heyrum af opinberum hengingum samkynhneigðra á torgum úti í Teheran, höfuðborg íslamska lýðveldisins Írans. Vont fólk mun alltaf gera vonda hluti. Síkópatar gera það líka. Þeim er ekki sjálfrátt. En til að fá gott fólk til að framkvæma þann hrylling sem við sjáum daglega í fréttum frá Mið-Austurlöndum um þessar mundir, þá þarftu trúarbrögð.
Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun
Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun
Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun
Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun