Pissað í sturtu

Nýlega komst það í heimspressuna að tveir breskir nemendur við háskóla í Bretlandi hafi hvatt samnemendur sína til þess að pissa í sturtu, það er að samnýta sturtuferðir og þvaglát. 

Það að sturta niður getur skolað til yfir 10 lítrum af vatni. Því gæti það að pissa í sturtu verið eitt það mikilvægasta sem þú getur gert fyrir umhverfið.

Þetta er bæði umhverfisvænt þar sem þetta sparar vatn og pappír en getur einnig falið í sér tímasparnað. Þá hafa lönd líkt og Brasilía hvatt íbúa sína til að pissa í sturtu.

Það er ágætt að skoða nokkur atriði um þvag.

- Þvag er sterílt

- Það er ekki hægt að ruglast á sáðláti og þvagi því eitt lokar fyrir annað

- Þvagblaðra getur rúmað allt að 800 ml af vökva en yfirleitt upplifir fólk þörf fyrir þvaglát við rúmlega 200 ml til 400 ml

- Þvagblaðran getur ekki sprungið ef þú heldur of lengi í þér því ósjálfráða kerfið tekur við og þú einfaldlega pissar á þig

- Mataræði, vökvi, lyf og sjúkdómar geta haft áhrif á litinn á þvaginu

- Ýmsa sjúkdóma og sýkingar má greina úr þvagi

Hvernig haga pör sínum salernisferðum?

Það er allur gangur á því hvernig pör haga sínum salernisaðferðum.

100 Íslendingar voru spurðir útí sínar salernisferðir og þar svara tæp 72% svarenda að þeim sé sama hvort maki pissi í salerni í þeirra viðurvist.

Um 1 af hverjum 10 segja að maki megi pissa í sturtu þegar par baðar sig saman.

Hér er skemmtilegt myndband þar sem par flækir salernisferðir hvors annars.

Það að pissa í sturtu er að margra mati tabú þar sem þvag er úrgangur líkamans og oft talið sóðalegt. Þó er þetta eitthvað sem allir þurfa að gera á einum eða öðrum tímapunkti, nokkrum sinnum yfir daginn. Það má því draga þá ályktun að ýmislegt sé ósagt þegar kemur að því hvar fólk kastar af sér þvagi.

Þetta sést vel í eftirfarandi myndbroti.



Að pissa í sturtu getur því verið útfrá praktísku sjónarmiði en einnig til að vernda umhverfið.

Sumum hins vegar þykir þvag kynferðislega örvandi og er það þá gjarnan tengt við „gullna sturtu“. Þá annað hvort kastar þú þvagi á aðra manneskju eða þvagi er kastað á þig.

Af þeim 100 Íslendingum sem voru spurðir sögðust 80 aldrei hafa pissað í kynlífi en 8 sögðust hafa gert það alveg óvart.

Það er mikilvægt að fá alltaf samþykki fyrir allri kynhnegðun og þar er þvaglát eða gullin sturta, alls engin undantekning.