Karlalandslið Íslands í körfubolta valið lið ársins

Karlalandslið Íslands í körfubolta var kjörið lið ársins í kvöld en þetta kom í ljós á kjöri Samtaka íþróttafréttamanna á Íþróttamanns ársins 2014.

Þetta er í þriðja sinn sem Samtök íþróttafréttamenn velja lið ársins en áður höfðu Kvennalandslið Íslands í hópfimleikum (2012) og karlalandslið Íslands í knattspyrnu (2013) fengið þessi verðlaun.

Körfuboltalandsliðið endurskrifaði sögu íslensk körfubolta á árinu með því að tryggja sér sæti á stórmóti í fyrsta sinn en íslenska landsliðið verður meðal keppenda á Evrópumóti landsliða á næsta ári.

Íslenska liðið vann tvo sigra á Bretlandi í undankeppninni og tryggði sér með því annað sætið í riðlinum á eftir Bosníumönnum en íslenska landsliðið var eitt þeirra liða sem var með bestan árangur í öðru sæti síns riðils.

Knattspyrnulandslið Íslands í fótbolta og karlalið Stjörnunnar í fóbolta voru einnig tilnefnd að þessu sinni. Fótboltalandsliðið varð í öðru sæti.

Körfuboltalandsliðið fékk 105 stig af 120 mögulegum í kjörinu og vann því mjög öruggan sigur í kjörinu.



Lið ársins 2014 - þessi lið fengu stig:

1. Karlalandslið Íslands í körfubolta 105 stig

2. Karlalandslið Íslands í knattspyrnu 66

3. Stjarnan (mfl. kk) 24

4. Kvennalandslið Íslands í hópfimleikum 12

5. Karlalandslið Íslands í handbolta 8

6. Landslið Íslands í frjálsíþróttum 1