Apple tekur fram úr Samsung sem söluhæsti snjallsímaframleiðandinn

Apple hefur tekið fram úr Samsung sem söluhæsti snjallsímaframleiðandinn ef marka má niðurstöðu greiningarfyrirtækisins Grantner.

Samkvæmt skýrslu Granter seldi Apple 74,8 milljón snjallsíma á síðasta ársfjórðungi ársins 2014 samanborið við Samsung sem seldi 73 milljónir snjallsíma á ársfjórðungnum.

Þetta eru talsverð umskipti því á sama ársfjórðungi árið 2013 seldi Samsung 83,3 milljónir snjallsíma en Apple seldi 50,2 milljónir iPhone síma. Því hefur sala á iPhone símum aukist um helming á milli ára á meðan sala á Samsung símum hefur dregist saman um 13 prósent.

Breytinga gæti þó aftur verið að vænta á þessum markaði á næstunni því Samsung mun setja nýja snjallsíma á markað þann 10. apríl næstkomandi, bæði Galaxy S6 og S6 Edge. Því spáir miðilinn The Verge að fyrirtækin gætu aftur átt sætaskipti á öðrum ársfjórðungi þessa árs.