Forðaðu þér frá skilnaði

Vefmiðilinn HuffingtonPost hefur tekið saman sérvef sem er alfarið tileinkaður skilnaði.

Í einum slíkum pistli leita þeir til ýmissa sérfræðinga sem veita sín ráð um hvernig megi koma í veg fyrir, eða draga úr líkindum á skilnaði.

Glósaðu eftirfarandi ráð hjá þér.

Kynlífsráðgjafinn: Mælir með því að fólk gleymi ekki að rækta kynlífið sitt og þessa erótísku tengingu sem svo ræktar nándina.

Skilnaðarlögfræðingurinn: Ekki vera með óraunhæfar væntingar til sambandsins. Skilnaður getur stafað af ástæðum líkt og framhjáhald, fíknivandræði og ofbeldi en ef það eru ekki algengustu ástæður skilnaðar. Fólk flakkar oft á milli sambanda með óraunhæfar væntingar og þvi er gott að muna að hamingja sveiflast upp og niður og það gera sambönd líka.

Hjónabandráðgjafinn: Það eru mistök að ætlast til þess að maki lækni tilfinningaleg sár úr æsku. Slíkt getur búið til leiðinda vítahring og það er gott að muna að hamingjuna þarf að finna fyrst hjá sér sjálfum og svo er hægt að njóta þess að vera með öðru fólki. Sár úr æsku þarf því hver og einn að vinna úr með sérfræðingi.

Fráskildi gaurinn: Ekki gleyma þér í þægindum hversdagleikans. Það er auðvelt að tapa töfrunum þegar samband verður að vana en það getur alið af sér gremju í garð makans. Sambönd krefjast virkar hlustunar og vinnu og það má ekki gleymast.

Presturinn: Klippið á naflastrenginn og setjið upp mörk um ykkar hjónaband. Of mikil afskiptasemi náinna ættingja getur verið skaðleg fyrir sambönd og jafnvel stíað þeim í sundur. Pör þurfa að standa saman og passa uppá sitt samband með hvort öðru, ekki með frænku og mömmu á milli sín.

Eiginkona til langstíma: Passið að gefa hvort öðru nægt rými til að vera, jafnvel þó það þýði frí eða ferðlög í sitthvoru lagi. Þú verður að geta treyst makanum og sambandinu til að geta gefið frelsi. Einstaklingar sem muna eftir sínu persónulega frelsi og að rækta sjálfan sig og sína hamingju geta lifað í löngu hjónabandi.

Fjármálaráðgjafinn: Talið saman um fjármálin. Þið þurfið að skipuleggja fjármálin ykkar og geta talað um þau opinskátt og komist að samkomulagi um hvernig þeim skal hagað og skipuleggja sparnað.

Rabbín: Ekki deila öllum neikvæðu hugsununum með hvort öðru. Neikvæðni og gagnrýni getur drepið sambönd og stundum má  bara halda hlutunum útaf fyrir sig.

Skilnaðarbarnið: Varist að stilla foreldrahlutverkinu upp sem keppnisíþrótt þar sem annað hvort foreldrið verður alltaf að vera betra en hitt og keppst er um ást barnsins og hvort foreldrið er í fyrsta sæti. Foreldrar hafa ólíka styrkleika en það er óþarfi að keppast um ást barns.

Fráskilda konan: Ótti getur lamað samræður og hjónaband. Ekki óttast tilfinningar þínar og leyfðu þér að deila þeim með makanum og viðurkenna að ekki gangi vel og þið þurfið að vinna í ykkar málum, áður en það er um seinan.

Hægt er að fylgjast með umræðum um skilnað og pistla tengdu því á facebook og twitter.