Myndband sem sýnir hvert laxinn fer í sjónum

Veiðimenn hafa lengi deilt og skeggrætt hvert laxinn fer þegar hann gengur til sjávar og nú er líklega hægt að skera á hnútinn í þessari deilu.

Þann 16. apríl var fyrirlestur þar sem sagt  varfrá rannsóknum Veiðimálastofnunar á ferðum laxa í sjó. Eins og segir á vef Veiðimálastofnunar:"Gönguseiðum var sleppt í Kiðafellsá í Kjós vorin 2005 og 2006 og voru seiðin merkt með mælimerkjum sem komið var fyrir í kviðarholi seiðanna. Mælimerkin voru framleidd af íslenska hátæknifyrirtækinu Stjörnu-Odda og mældu hita og dýpi á klukkustundar fresti. Við aflestur endurheimtra merkja og með þróuðum líkindareikningi reyndist unnt að rekja ferðir laxanna í hafinu".

Það  er magnað að skoða þetta myndband og sjá hvernig laxinn hagar sér þegar í sjó er komið og víst að margir verða hissa þegar þeir sjá bæði hvert hann fer og hversu lengi hann er þar.  Þeir sem vilja lesa meira um þetta geta smellt hér.