Hamilton finnst ótrúlegt að geta náð Senna

Lewis Hamilton, ríkjandi heimsmeistari í Formúlu 1 segir það ótrúlega tilfinningu að nálgast þá mögnuðu tölfræði sem Ayrton Senna náði á sínum ferli.

„Þegar ég byrjaði að horfa á Ayrton, sá ég að þetta var eitthvað sem ég vildi gera. Það má segja að hann hafi kynnt mig fyrir íþróttinni,“ sagði Hamilton

„Það er ótrúlegt að hugsa út í það að fyrir öllum þessum árum þegar ég byrjaði að horfa á kappakstur, ég man enn hvar ég var þegar ég horfði á minn kappakstur, á sófanum hjá pabba. Hver hefði trúað því að við yrðum svo hér sem fjölskylda,“ sagði Hamilton.

Þrátt fyrir að nálgast það óðfluga að jafna árangur Senna segir Hamilton það enn of snemmt að tala um að ná þriðja titlinum í ár og jafna þann árangur goðsagnakennda Braselíumannsins.

„Ég hef alltaf sagt að ég vildi gera eins og Senna, frá því ég var lítill. Það er því ekki enn runnið upp fyrir mér að ég sé mögulega í aðstöðu til að gera það,“ sagði Hamilton á lokum.

Ayrton Senna varð þrisvar heimsmeistari ökumanna, ók 162 keppni og vann 41, náði 80 sinnum á verðlaunapall, 65 ráspólum og 19 hröðustu hringjum.

Lewis Hamilton hefur hingað til tvisvar orðið heimsmeistari ökumanna og leiðir keppnina í ár. Hann hefur ekið í 153 keppnum og unnið 36. Hann hefur náð 75 sinnum á verðlaunapall og 23 sinnum átt hraðasta hring.