Valdar í tvö landslið á tveimur dögum

Þjálfarar tuttugu ára landsliða karla og kvenna í körfubolta völdu í dag tólf manna hópa sína fyrir Norðurlandamótið sem fer fram í sumar. Körfuknattleiksambandið segir frá valinu inn á heimasíðu sinni.

Keflvíkingarnir Ingunn Embla Kristínardóttir og Sara Rún Hinriksdóttir eru báðar í 20 ára landsliði kvenna að þessu sinni og náðu því þar með að vera valdar í tvö landslið á tveimur dögum.

Ingunn Embla og Sara Rún eru líka í tólf manna hópi A-landsliðsins sem er að fara að keppa á Smáþjóðaleikunum í næstu viku. A-landsliðshópurinn var tilkynntur í gær.

Strákarnir keppa í Finnlandi og stelpurnar í Danmörku en mótin fara bæði fram um miðjan júní.

Ingunn Embla og Sara Rún eru tvær af fimm Keflvíkingum í liðinu en hinar eru þær Marín Laufey Davíðsdóttir, Sandra Lind Þrastardóttir og Hallveig Jónsdóttir.

Stjarnan á flesta leikmenn í karlaliðinu eða þrjá en það eru þeir Dagur Kár Jónsson, Brynjar Friðriksson og Tómas Hilmarsson.



20 ára landslið kvenna:

Guðlaug Björt Júlíusdóttir, Grindavík

Marín Laufey Davíðsdóttir,  Keflavík

Lovísa Björt Henningsdóttir, Haukum

Hallveig Jónsdóttir, Keflavík

Ingunn Embla Kristínardóttir, Keflavík

Sandra Lind Þrastardóttir, Keflavík

Sara Diljá Sigurðardóttir, Val

Sara Rún Hinriksdóttir, Keflavík

Sólrún Inga Gísladóttir, Haukum

Sólrún Sæmundsdóttir , KR

Sylvía Hálfdánardóttir , Haukum

Þóra Kristín Jónsdóttir , Haukum



Þjálfari: Bjarni Magnússon

Aðstoðarþjálfari: Andri Kristinsson

20 ára landslið karla:

Dagur Kár Jónsson, Stjörnunni

Brynjar Friðriksson, Stjörnunni

Jón Axel Guðmundsson, Grindavík

Oddur Rúnar Kristjánsson, Grindavík

Pétur Rúnar Birgisson, Tindastól

Maciej Baginski , Njarðvík

Hjálmar Stefánsson , Haukum

Eysteinn Ævarsson, Keflavík

Kristján Leifur Sverrisson, Haukum

Maciej Klimazewski, FSu

Tómas Hilmarsson, Stjörnunni

Viðar Ágústsson , Tindastól



Þjálfari:Finnur Freyr Stefánsson

Aðstoðarþjálfari:Erik Olson