Umfjöllun, viðtöl og einkunnir: Fylkir - KR 1-3 | Sterkur sigur KR-inga í Lautinni Ingvi Þór Sæmundsson á Fylkisvelli skrifar 20. maí 2015 13:47 Jacob Schoop hefur vakið athygli fyrir góða spilamennsku með liði KR. vísir/stefán KR vann sterkan sigur á Fylki, 1-3, í 4.umferð Pepsi-deildar karla í kvöld. Þetta var annar sigur KR í röð en liðið er komið upp í 3. sæti deildarinnar með sjö stig. Þetta var aftur á móti fyrsta tap Fylkis í sumar en Árbæingar eru með fimm stig í 8. sæti. KR þurfti að hafa mikið fyrir hlutunum í Árbænum í kvöld en frammistaðan var nógu góð til að skila sigri. KR komst yfir á 6. mínútu þegar Sören Fredriksen skoraði sitt annað mark í sumar eftir að Ásgeir Börkur Ásgeirsson, sem átti annars fínan leik í kvöld, þrumaði boltanum í Gary Martin. Boltinn barst Sören sem var fljótur að athafna sig og skoraði framhjá Bjarna Halldórssyni í marki Fylkis. Skömmu áður hafði Pálmi Rafn Pálmason skallað framhjá úr fínu færi eftir aukaspyrnu Óskars Arnar Haukssonar. Fylkismenn voru værukærir í föstum leikatriðum og það kom þeim í koll á 36. mínútu þegar Skúli Jón Friðgeirsson skoraði með skoti af stuttu færi eftir aukaspyrnu Gonzalos Balbi. Í millitíðinni hafði Albert Brynjar Ingason jafnað metin með sínu öðru marki í sumar. Daði Ólafsson átti þá lága þversendingu sem Rasmus Christiansen átti að ráða auðveldlega við. Daninn missti boltann hins vegar klaufalega undir sig, Albert var vel vakandi og skoraði af öryggi framhjá Stefáni Loga Magnússyni í markinu. Albert var svo nálægt því að metin öðru sinni aðeins nokkrum sekúndum eftir mark Skúla. Ragnar Bragi Sveinsson, sem gerðist brotlegur í öðru marki KR, átti þá flottan sprett upp hægri kantinn og sendi boltann út í teiginn á Albert en Stefán varði skot hans. Albert átti frábæran leik í kvöld en leikur Fylkis byggist að svo rosalega stórum hluta upp á honum. Hann virkar í frábæru formi og var tveggja manna maki í framlínunni í kvöld, alltaf tilbúinn að hlaupa í svæðin fyrir aftan vörnina og síógnandi. KR-ingar byrjuðu seinni hálfleikinn eins og þann fyrri - af krafti - og á 54. mínútu fékk Óskar Örn Hauksson upplagt færi til að koma gestunum í 1-3. Bjarni var hins vegar fljótur út á móti og varði vel. Vesturbæingar héldu boltanum vel og framan af seinni hálfleik ógnuðu Fylkismenn sama og ekkert. KR virtist vera með heljartak á leiknum en líkt og í fyrri hálfleik misstu þeir taktinn og Fylkismenn gerðu sig gildandi. Albert hélt áfram þefa uppi tækifærin og á 67. mínútu var hann næstum því búinn að nýta sér kæruleysi í KR-vörninni á 67. mínútu. Skalli hans hitti þó ekki markið. Þremur mínútum seinna átti hann góðan skalla eftir fyrirgjöf Stefáns Ragnars Guðlaugssonar en Stefán Logi varði glæsilega vel. Fylkismenn héldu áfram að þjarma að KR-liðinu og á 72. mínútu dæmdi Þóroddur Hjaltalín mark af varamanninum Andrési Má Jóhannessyni sem Fylkismenn voru mjög ósáttir með, og máttu vera það en erfitt var að sjá af hverju Þóroddur tók þessa ákvörðun. Fylkismenn reyndu hvað þeir gátu en tókst ekki að jafna. Vörn KR var sterk með Skúla Jón sem besta mann og fyrir framan hana vann Jónas Guðni Sævarsson ómetanlega vinnu. Varamaðurinn Þorsteinn Már Ragnarsson gerði svo út um leikinn á lokamínútunni með fallegu marki eftir skyndisókn. Ingimundur Níels Óskarsson, sem átti ekki góða innkomu, missti boltann á vallarhelmingi KR-inga sem brunuðu fram. Almarr Ormarsson sendi á Þorsteinn sem keyrði í átt að marki heimamanna, fíflaði Tonci Radovnikovic og kláraði færið af öryggi. Sterkur KR-sigur staðreynd en Vesturbæingar líta ágætlega út og virðast tilbúnir að taka þátt í titilbaráttunni að alvöru.Ásmundur: Veit ekki af hverju hann dæmdi markið af "Ég er fyrst og fremst gríðarlega svekktur með niðurstöðuna, mér fannst við spila vel á köflum og verðskulda eitthvað út úr þessum leik," sagði Ásmundur Arnarsson, þjálfari Fylkis, í samtali við Vísi eftir tap Árbæinga fyrir KR í kvöld. "Við færum þeim mörkin á silfurfati og það setur okkur í erfiða stöðu. Við komust samt inn í leikinn, náum að jafna og sköpum færi sem nýttust ekki. Ef þú gefur mörk og nýtir ekki færin færðu ekkert út úr leikjunum." Ásmundur, eins og fleiri Fylkismenn, var langt frá því að vera sáttur með frammistöðu Þóroddar Hjaltalín, dómara leiksins, en hann dæmdi mark af heimamönnum á 72. mínútu sem var umdeild ákvörðun. "Ég hef ekki hugmynd um af hverju hann dæmdi markið af og er ósáttur með þann dóm. Það segir sig sjálft. Þetta er enn eitt dæmið í sumar," sagði Ásmundur og vísaði þar til þeirra óþarflega mörgu marka sem hafa verið dæmd af í sumar. "Bæði við og dómaratríóið hjálpuðum KR-ingum full mikið. Ég var ósáttur með nokkra dóma í kvöld og mér fannst línan vera þannig að virðingin var full mikil gagnvart röndótta liðinu." Fylkismenn hafa aðeins unnið einn af fyrstu fjórum leikjum sínum í Pepsi-deildinni og Ásmundur segir að það sé full rýr uppskera. "Við viljum meira," sagði Ásmundur Arnarsson að lokum.Bjarni:Þorsteinn á allt hrós skilið Bjarni Guðjónsson, þjálfari KR, hrósaði liðsheildinni eftir sigurinn á Fylki í Lautinni í kvöld. "Ég er mjög ánægður með að fá þrjú stig á móti liði sem var ósigrað fyrir leikinn," sagði Bjarni en KR-ingar hafa nú unnið tvo leiki í röð eru komnir með sjö stig í Pepsi-deildinni. "Aftur er liðsheildin ofboðslega sterk hjá okkur og menn lögðu sig vel fram og unnu baráttuna. Og inn á milli spiluðum við fínan fótbolta. "Þótt stigin hafi ekki skilað sér í hús í fyrstu tveimur leikjunum voru það 2-3 atriði sem kostuðu okkur fimm stig. Það var því lítið sem þurfti að laga og við höfum gert það ágætlega," sagði Bjarni sem telur þó að KR-liðið eigi meira inni en það hefur sýnt í fyrstu fjórum leikjunum. "Það er enn maí og þótt ég ætli ekki að kenna völlunum um verður mótið oft svona í upphafi; mikið um baráttu og svo er eitt og eitt augnablik þar sem er spilaður góður fótbolti." Þorsteinn Már Ragnarsson var settur á bekkinn fyrir leikinn í kvöld en kom inn á fyrir Gary Martin snemma í seinni hálfleik, stóð sig vel og gulltryggði sigur KR með marki á lokamínútunni. Bjarni bar mikið lof á framherjann eftir leik. "Þorsteinn er frábær og til fyrirmyndar í öllu. Hann lendir í erfiðri stöðu en leysir hana frábærlega. Hann er alltaf fyrstur á æfingar, er duglegur og leggur sig fram. Hann á allt hrós skilið. "Hann skoraði ekki bara gott mark heldur lagði hann sig vel fram og kom með mikinn kraft inn í leikinn eins og hinir sem komu inn á," sagði Bjarni að endingu. Pepsi Max-deild karla Mest lesið Maté: Erum að fara að tapa fullt af leikjum Körfubolti Eigandi Nottingham Forest ákærður af enska knattspyrnusambandinu Enski boltinn „Ennisbandið var slegið af honum“ Körfubolti Schumacher sást meðal fólks í fyrsta sinn í ellefu ár Formúla 1 „Fannst við spila fullkominn fyrri hálfleik“ Fótbolti Bruno sá aftur rautt en Maguire bjargaði stigi í uppbótartíma Fótbolti Uppgjörið: FH - Valur 23-30 | Valur á flugi og FH ekki eins án Arons Handbolti „Þarft að vera sami leikmaður og á Íslandi og bæta tuttugu prósentum ofan á það“ Fótbolti Sigursteinn Arndal: FH liðið langt frá sínu besta Handbolti Grótta tyllti sér á toppinn og KA fékk fyrstu stigin Handbolti Fleiri fréttir Svona var kynningarfundurinn fyrir úrslitaleikinn Snýr aftur heim í KR Tarik í bann eftir fræknu frammistöðuna Sjáðu slysalegt sjálfsmark og Emil skora í tólfta sinn Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Sjá meira
KR vann sterkan sigur á Fylki, 1-3, í 4.umferð Pepsi-deildar karla í kvöld. Þetta var annar sigur KR í röð en liðið er komið upp í 3. sæti deildarinnar með sjö stig. Þetta var aftur á móti fyrsta tap Fylkis í sumar en Árbæingar eru með fimm stig í 8. sæti. KR þurfti að hafa mikið fyrir hlutunum í Árbænum í kvöld en frammistaðan var nógu góð til að skila sigri. KR komst yfir á 6. mínútu þegar Sören Fredriksen skoraði sitt annað mark í sumar eftir að Ásgeir Börkur Ásgeirsson, sem átti annars fínan leik í kvöld, þrumaði boltanum í Gary Martin. Boltinn barst Sören sem var fljótur að athafna sig og skoraði framhjá Bjarna Halldórssyni í marki Fylkis. Skömmu áður hafði Pálmi Rafn Pálmason skallað framhjá úr fínu færi eftir aukaspyrnu Óskars Arnar Haukssonar. Fylkismenn voru værukærir í föstum leikatriðum og það kom þeim í koll á 36. mínútu þegar Skúli Jón Friðgeirsson skoraði með skoti af stuttu færi eftir aukaspyrnu Gonzalos Balbi. Í millitíðinni hafði Albert Brynjar Ingason jafnað metin með sínu öðru marki í sumar. Daði Ólafsson átti þá lága þversendingu sem Rasmus Christiansen átti að ráða auðveldlega við. Daninn missti boltann hins vegar klaufalega undir sig, Albert var vel vakandi og skoraði af öryggi framhjá Stefáni Loga Magnússyni í markinu. Albert var svo nálægt því að metin öðru sinni aðeins nokkrum sekúndum eftir mark Skúla. Ragnar Bragi Sveinsson, sem gerðist brotlegur í öðru marki KR, átti þá flottan sprett upp hægri kantinn og sendi boltann út í teiginn á Albert en Stefán varði skot hans. Albert átti frábæran leik í kvöld en leikur Fylkis byggist að svo rosalega stórum hluta upp á honum. Hann virkar í frábæru formi og var tveggja manna maki í framlínunni í kvöld, alltaf tilbúinn að hlaupa í svæðin fyrir aftan vörnina og síógnandi. KR-ingar byrjuðu seinni hálfleikinn eins og þann fyrri - af krafti - og á 54. mínútu fékk Óskar Örn Hauksson upplagt færi til að koma gestunum í 1-3. Bjarni var hins vegar fljótur út á móti og varði vel. Vesturbæingar héldu boltanum vel og framan af seinni hálfleik ógnuðu Fylkismenn sama og ekkert. KR virtist vera með heljartak á leiknum en líkt og í fyrri hálfleik misstu þeir taktinn og Fylkismenn gerðu sig gildandi. Albert hélt áfram þefa uppi tækifærin og á 67. mínútu var hann næstum því búinn að nýta sér kæruleysi í KR-vörninni á 67. mínútu. Skalli hans hitti þó ekki markið. Þremur mínútum seinna átti hann góðan skalla eftir fyrirgjöf Stefáns Ragnars Guðlaugssonar en Stefán Logi varði glæsilega vel. Fylkismenn héldu áfram að þjarma að KR-liðinu og á 72. mínútu dæmdi Þóroddur Hjaltalín mark af varamanninum Andrési Má Jóhannessyni sem Fylkismenn voru mjög ósáttir með, og máttu vera það en erfitt var að sjá af hverju Þóroddur tók þessa ákvörðun. Fylkismenn reyndu hvað þeir gátu en tókst ekki að jafna. Vörn KR var sterk með Skúla Jón sem besta mann og fyrir framan hana vann Jónas Guðni Sævarsson ómetanlega vinnu. Varamaðurinn Þorsteinn Már Ragnarsson gerði svo út um leikinn á lokamínútunni með fallegu marki eftir skyndisókn. Ingimundur Níels Óskarsson, sem átti ekki góða innkomu, missti boltann á vallarhelmingi KR-inga sem brunuðu fram. Almarr Ormarsson sendi á Þorsteinn sem keyrði í átt að marki heimamanna, fíflaði Tonci Radovnikovic og kláraði færið af öryggi. Sterkur KR-sigur staðreynd en Vesturbæingar líta ágætlega út og virðast tilbúnir að taka þátt í titilbaráttunni að alvöru.Ásmundur: Veit ekki af hverju hann dæmdi markið af "Ég er fyrst og fremst gríðarlega svekktur með niðurstöðuna, mér fannst við spila vel á köflum og verðskulda eitthvað út úr þessum leik," sagði Ásmundur Arnarsson, þjálfari Fylkis, í samtali við Vísi eftir tap Árbæinga fyrir KR í kvöld. "Við færum þeim mörkin á silfurfati og það setur okkur í erfiða stöðu. Við komust samt inn í leikinn, náum að jafna og sköpum færi sem nýttust ekki. Ef þú gefur mörk og nýtir ekki færin færðu ekkert út úr leikjunum." Ásmundur, eins og fleiri Fylkismenn, var langt frá því að vera sáttur með frammistöðu Þóroddar Hjaltalín, dómara leiksins, en hann dæmdi mark af heimamönnum á 72. mínútu sem var umdeild ákvörðun. "Ég hef ekki hugmynd um af hverju hann dæmdi markið af og er ósáttur með þann dóm. Það segir sig sjálft. Þetta er enn eitt dæmið í sumar," sagði Ásmundur og vísaði þar til þeirra óþarflega mörgu marka sem hafa verið dæmd af í sumar. "Bæði við og dómaratríóið hjálpuðum KR-ingum full mikið. Ég var ósáttur með nokkra dóma í kvöld og mér fannst línan vera þannig að virðingin var full mikil gagnvart röndótta liðinu." Fylkismenn hafa aðeins unnið einn af fyrstu fjórum leikjum sínum í Pepsi-deildinni og Ásmundur segir að það sé full rýr uppskera. "Við viljum meira," sagði Ásmundur Arnarsson að lokum.Bjarni:Þorsteinn á allt hrós skilið Bjarni Guðjónsson, þjálfari KR, hrósaði liðsheildinni eftir sigurinn á Fylki í Lautinni í kvöld. "Ég er mjög ánægður með að fá þrjú stig á móti liði sem var ósigrað fyrir leikinn," sagði Bjarni en KR-ingar hafa nú unnið tvo leiki í röð eru komnir með sjö stig í Pepsi-deildinni. "Aftur er liðsheildin ofboðslega sterk hjá okkur og menn lögðu sig vel fram og unnu baráttuna. Og inn á milli spiluðum við fínan fótbolta. "Þótt stigin hafi ekki skilað sér í hús í fyrstu tveimur leikjunum voru það 2-3 atriði sem kostuðu okkur fimm stig. Það var því lítið sem þurfti að laga og við höfum gert það ágætlega," sagði Bjarni sem telur þó að KR-liðið eigi meira inni en það hefur sýnt í fyrstu fjórum leikjunum. "Það er enn maí og þótt ég ætli ekki að kenna völlunum um verður mótið oft svona í upphafi; mikið um baráttu og svo er eitt og eitt augnablik þar sem er spilaður góður fótbolti." Þorsteinn Már Ragnarsson var settur á bekkinn fyrir leikinn í kvöld en kom inn á fyrir Gary Martin snemma í seinni hálfleik, stóð sig vel og gulltryggði sigur KR með marki á lokamínútunni. Bjarni bar mikið lof á framherjann eftir leik. "Þorsteinn er frábær og til fyrirmyndar í öllu. Hann lendir í erfiðri stöðu en leysir hana frábærlega. Hann er alltaf fyrstur á æfingar, er duglegur og leggur sig fram. Hann á allt hrós skilið. "Hann skoraði ekki bara gott mark heldur lagði hann sig vel fram og kom með mikinn kraft inn í leikinn eins og hinir sem komu inn á," sagði Bjarni að endingu.
Pepsi Max-deild karla Mest lesið Maté: Erum að fara að tapa fullt af leikjum Körfubolti Eigandi Nottingham Forest ákærður af enska knattspyrnusambandinu Enski boltinn „Ennisbandið var slegið af honum“ Körfubolti Schumacher sást meðal fólks í fyrsta sinn í ellefu ár Formúla 1 „Fannst við spila fullkominn fyrri hálfleik“ Fótbolti Bruno sá aftur rautt en Maguire bjargaði stigi í uppbótartíma Fótbolti Uppgjörið: FH - Valur 23-30 | Valur á flugi og FH ekki eins án Arons Handbolti „Þarft að vera sami leikmaður og á Íslandi og bæta tuttugu prósentum ofan á það“ Fótbolti Sigursteinn Arndal: FH liðið langt frá sínu besta Handbolti Grótta tyllti sér á toppinn og KA fékk fyrstu stigin Handbolti Fleiri fréttir Svona var kynningarfundurinn fyrir úrslitaleikinn Snýr aftur heim í KR Tarik í bann eftir fræknu frammistöðuna Sjáðu slysalegt sjálfsmark og Emil skora í tólfta sinn Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Sjá meira
Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn