Jose Aldo hatar Conor McGregor

"Við erum með mann eins og Jose Aldo, mann sem hefur ekki tapað í 10 ár, varið titilinn 10 sinnum og er besti pund fyrir pund bardagamaður i heimi.

Hann er að mæta manni eins og Conor sem braust fram á sjónarsviðið með 13 sigrum í röð, er fullur sjálfstrausts og með eitthvað sérstakt sem laðar fólk að sér," sagði Dana White, yfirmaður UFC, um bardaga þeirra Jose Aldo og Conor McGregor.

Bardagans er beðið með gríðarlegri eftirvæntingu en þeir mætast í Las Vegas þann 11. júlí.

"Jose Aldo hatar Conor McGregor og Conor McGregor vill fá það sem Jose Aldo er með [titilbeltið]. Conor hefur staðið við allt sem hann hefur sagst ætla að gera. Núna er bara spurning hvort hann geti unnið Jose Aldo," sagði White.