Lengsta og flóknasta beina útsendingin á Íslandi frá upphafi

Stöð 2 hefur ákveðið að sýna frá WOW Cyclothon keppninni frá upphafi til enda og það í beinni stjónvarspútsendingu.

Útsending mun hefjast á Stöð 2 Sport klukkan 18.50 þriðjudaginn 23. júni og standa sleitulaust til fimmtudagsins 25. júní þegar fyrstu tíu manna liðin koma í mark.

Teymið mun fylgja eftir 10 manna liðunum frá upphafi og taka þau tali á leiðinni, kanna stemningu í hópunum og heimsækja fylgdarbíla liðanna.

Útsendingin verður í um fjörutíu klukkustundir og er í opinni dagskrá á Stöð 2 Sport og hér á Vísi.

Friðrika Hjördís Geirsdóttir og Sigríður Elva Vilhjálmsdóttir ætla ferðast með Stöð 2 og fjalla um mótið.

Um er að ræða lengstu og flóknustu beinu útsendingu sem farin hefur verið í frá upphafi, þar sem öll nýjasta tækni verður notuð til þess að koma útsendingunni í skjái landsmanna.