Button: Vonandi verður Alonso fljótari en ég

Jenson Button ökumaður McLaren liðsins í Formúlu 1 lýsti því yfir á blaðamannafundi í dag að hann vonaði að liðsfélagi sinn, Fernando Alonso yrði fljótari en hann um helgina.

Austurríski kappaksturinn fer fram um helgina. Eðlilega skýringu er að finna á orðum heimsmeistarans frá árinu 2009. Skýringin er að Alonso ekur mikið uppfærðum bíl annað en Button sjálfur sem ekur óbreyttum bíl frá síðustu keppni.

McLaren var bara reiðubúið með einn uppfærðan bíl og þar sem Button fékk að njóta breytinga í Kína fær Alonso núna að njóta.

„Það er skrýtið að segja það en já ég vona það,“ sagði Button, aðspurður hvort hann óskaði þess að enda aftar en Alonso.

Báðir eru ökumennirnir líklegir til að hljóta refsingu fyrir að hefja notkun á nýrri vél um helgina.

„Frá keppnissjónarhorni er sennilega betra að koma refsingunum frá áður en við förum til Ungverjalands, brautin þar er líkleg til að henta okkur vel,“ sagði Button.

Button vill líka helst fá að njóta góðrar heimakeppni á Silverstone, sem er næsta keppni á eftir þeirri um helgina.