Taktu þátt í hindrunarhlaupi Rikka skrifar 6. júlí 2015 14:30 visir/jakobinaj Fjöldinn allur af hlaupakeppnum er í boði núna í sumar og liggur munurinn á milli þeirra aðallega í lengd og staðsetningu. Á miðvikudaginn kemur verður boðið upp á þessa nýbreytni en þá mund Crossfit Reykjavíkur standa fyrir 5 kílómetra hindrunarhlaup í Nauthólsvíkinni. Fjölbreyttar hindranir verða dreifðar víðsvegar um brautina og má þar til dæmis nefna klifurvegg og dekkjahlaup auk þess sem þátttakendur mega einnig búast við því að blotna alveg upp að mitti. Aðrar hindranir eru hernaðarleyndarmál að sögn aðstandenda og því líklegt að það verði mikið fjör í hlaupinu. „Flestir ættu að geta klárað þrautina skammlaust en ef einhver treystir sér ekki til þess þá verður alls staðar hægt að fara framhjá hindrunum,” segir Jakobína Jónsdóttir, ein af skipuleggjendum keppninar. Keppt verður bæði í einstaklings- og liðakeppnum en sú síðarnefnda gengur þannig fyrir sig að hægt er að skrá eins marga til leiks en þeir fjórir úr liðinu sem fyrstir eru í mark telja. „ Svona hindrunarhlaup eru svo vinsæl um allan heim svo við ákváðum að skipuleggja eitt slíkt hér á landi. Eitt svona fyrst og fremst skemmtilegt hlaup þar sem allir geta tekið þátt og haft gaman,” segir Jakobína. Allur ágóðinn af þátttökugjaldi fer til styrktar Team Crossfit sem safna sér nú fyrir keppnisferð á Crossfit leikana í Los Angeles núna í sumar. Allar frekari upplýsingar um hlaupið og miðakaup er að finna á vefsíðu Crossfit Reykjavíkur. Heilsa Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið „Það er einhver sjarmi yfir París sem er ekki annarsstaðar“ Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Þriðja barnið á leiðinni Lífið
Fjöldinn allur af hlaupakeppnum er í boði núna í sumar og liggur munurinn á milli þeirra aðallega í lengd og staðsetningu. Á miðvikudaginn kemur verður boðið upp á þessa nýbreytni en þá mund Crossfit Reykjavíkur standa fyrir 5 kílómetra hindrunarhlaup í Nauthólsvíkinni. Fjölbreyttar hindranir verða dreifðar víðsvegar um brautina og má þar til dæmis nefna klifurvegg og dekkjahlaup auk þess sem þátttakendur mega einnig búast við því að blotna alveg upp að mitti. Aðrar hindranir eru hernaðarleyndarmál að sögn aðstandenda og því líklegt að það verði mikið fjör í hlaupinu. „Flestir ættu að geta klárað þrautina skammlaust en ef einhver treystir sér ekki til þess þá verður alls staðar hægt að fara framhjá hindrunum,” segir Jakobína Jónsdóttir, ein af skipuleggjendum keppninar. Keppt verður bæði í einstaklings- og liðakeppnum en sú síðarnefnda gengur þannig fyrir sig að hægt er að skrá eins marga til leiks en þeir fjórir úr liðinu sem fyrstir eru í mark telja. „ Svona hindrunarhlaup eru svo vinsæl um allan heim svo við ákváðum að skipuleggja eitt slíkt hér á landi. Eitt svona fyrst og fremst skemmtilegt hlaup þar sem allir geta tekið þátt og haft gaman,” segir Jakobína. Allur ágóðinn af þátttökugjaldi fer til styrktar Team Crossfit sem safna sér nú fyrir keppnisferð á Crossfit leikana í Los Angeles núna í sumar. Allar frekari upplýsingar um hlaupið og miðakaup er að finna á vefsíðu Crossfit Reykjavíkur.
Heilsa Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið „Það er einhver sjarmi yfir París sem er ekki annarsstaðar“ Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Þriðja barnið á leiðinni Lífið