Skolaðu skaufann

Í nýlegu viðtali í Íslandi í dag benti húðlæknirinn Baldur Tumi á að menn sæki sér oft aðstoðar til læknis vegna roða og kláða á typpinu.

Menn hafa þá gjarnan sjálfgreint sig með aðstoð internetsins og telja sig vera með sveppasýkingu.

Það virðist vera sjaldnast raunin heldur er málið það að typpið er ofþvegið.

Svona hugar þú að hreinlæti og heilsu typpisins

1. Skolaðu hann með vatni í sturtu, alls enga sápu!

2. Dragðu aftur forhúðina þegar skolar hann (á alls ekki við ung börn)

3. Gott er að skola hann eftir samfarir ef ekki var notaður smokkur

4. Berðu á hann feitt krem eins og vaselín eða olíu eins og kókosolíu

5. Vertu í nærfatnaði úr náttúrulegum efnum sem þrengja ekki of að kynfærunum

Þú skalt leita til læknis ef að...

- Útferð kemur úr typpinu

- Kláði og bólga lagast ekki við að draga úr notkun sápu og daglegrar skolunar (jafnvel prófa að nota smokk í smá tíma)

- Bólur líkjast vörtum 

- Vætlar úr sárum á typpinu

- Lykt verður mikil og súr

- Þvag verður dökkt og lyktarmikið

- Sársauki við samfarir og/eða sáðlát og/eða þvaglát