Sumarlegur Chiagrautur

Ásthildur Björnsdóttir, hjúkrunarfræðingur og einkaþjálfari heldur úti matarblogginu Matur milli mála en þar er lögð áhersla á holla en einfalda matargerð. „Ég hef lengi verið mjög hrifin af chiafræjum en ég viðurkenni það alveg að fyrst þegar ég smakkaði þau þá fannst mér þau viðbjóður.  Áferðin og hversu blaut þau voru var bara alls ekki að heilla mig.  Mér finnst einmitt trixið vera að hafa ekki of mikinn vökva og nota t.d. heimagerða möndlumjólk til að bleyta upp í þeim þegar verið er að útbúa graut.  Þá finnst mér grauturinn alveg jafngóður þótt hann sé blandaður kvöldinu áður eða að möndlumjólkinni og chiafræjunum sé blandað saman rétt áður en grauturinn er snæddu,“ segir Ásthildur á bloggi sínu.

Sumarlegur Chiagrautur

Fyrir einn

Innihald:

1.5 msk chiafræ

1/2 – 3/4 bolli heimagerð möndlumjólk, má vera keypt

Kanill – eftir smekk – ég nota talsvert mikið ca. 1 tsk.

Bláber – fersk/frosin

Kiwi

Apríkósa – fersk

Fræin úr granataepli

Jarðarber

Mórber (mulberries)

Aðferð:

Chiafræin sett í skál og kanil stráð yfir. Möndlumjólkinni hellt yfir og blandað vel.

Hér er hægt að láta skálina standa á borðinu á meðan þú græjar ávextina eða það sem þú ætlar að hafa í grautnum eða geyma skálina í ísskápnum og það þess vegna yfir nótt.

Ávextirnir settir ofan á. Tilbúið!

Svo er um að gera að leyfa hugmyndafluginu að njóta sín og prófa sig áfram með hinar ýmsu útgáfur af grautnum.