Sykurlaus skyrmús með súkkulaði og lime

Rikka skrifar 30. júlí 2015 15:00

Hafdís Priscilla Magnúsdóttir heldur úti heilsublogginu sem hún nefnir Dísukökur. Þar er að finna fjöldan allan af sykurlausum og lágkolvetnauppskriftum við allra hæfi. Dísa, eins og hún er kölluð, gefur lesendum Matarvísis uppskrift af gómsætri skyrmús með súkkulaði og lime sem hægt er að njóta án samviskubits.

Sykurlaus skyrmús með súkkulaði og lime

500ml skyr (óhrært eða vanillu skyr.is)

2 pakkar af IQ súkkulaði lime bragð

3 egg

100g Sukrin

4msk ósykrað kakó

5 dropar súkkulaði stevía

3 matarlímsblöð

2msk lime safi

Börkur utan af einni lime

Aðskiljið eggjahvítur og rauður og stífþeytið hvíturnar og setjið svo til hliðar.

Þeytið rauðurnar með sukrin og bætið svo skyrinu, kakói og stevíu við.

Leggið matarlímsblöð í bleyti í ca 5 mínútur og setjið svo í pott ásamt lime safanum og hitið varlega þar til uppleyst. Látið kólna og blandið svo við búðinginn.

Í lokin eru eggjahvíturnar bætt út í ásamt berkinum og blandað varlega saman.

Setjið í litlar skálar eða eina stóra og geymið í kæli í ca klukkutíma.

Dísa notaði órhært skyr en þeir sem vilja mildari bragð geta notað vanillu skyr.is

Eftirréttir Skyrkökur Uppskriftir