Hver frelsar fullnæginguna?

Betty Dodson er drottning kynfræðiheimsins þó víðar væri leitað.

Hún er einna þekktust fyrir að einsetja sér að frelsa fullnægingu kvenna með því að tala opinskátt um eigin upplifun af sjálfsfróun, fullnægingu og kynlífi og umfram allt að halda tveggja daga vinnusmiðjur þar sem konur læra að stunda sjálfsfróun og létta af skömm. 

Skömmin getur bæði verið tengd líkama, kynfærum og kynlífi.

Til að komast betur í kynni við hana er gott að lesa þessa grein sem hún skrifaði fyrir MS. tímaritið. Greinin var seinna tekin og gerð úr henni bók.

Bókin Sex for one olli straumhvörfum í lífi margra einstaklinga þegar hún kom út því þar talar Betty opinskátt um sitt eigið ferðalag að því að upplifa eigin líkama og njóta hans.

Það rann upp fyrir henni mikilvægi þess að kenna konum að njóta sín og læra hvernig þær geti notið samfara og kynlífs því samfarir við lim örva ekki snípinn og því eiga margar konur erfitt með að fá fullnægingu í hefbundnum skilningi samfara. Ef snípurinn er ekki nuddaður er erfitt fyrir konur að fá fullnægingu. Það hljómar ekki flókið en rétt eins og Betty hefur rekist á í sínu starfi (og undirrituð reyndar líka) að þá er það að konur eiga erfitt með að njóta sín í kynlífi.

Ástæðurnar geta verið margar líkt og

- Sársauki

- Vanþekking á eigin líkama

- Vanlíðan

- Skömm af einhverjum toga

- Áhugaleysi

Betty er sannfærð um að til að konur geti notið sín í kynlífi þá þurfi þær fyrst að geta notið sín sjálfar í gegnum sjálfsfróun.

Hún þróaði sitt eigið aðstoðartæki sem bæði gagnast til að styrkja grindarbotninn en einnig til að stunda sjálfsfróun. Það má panta það hér.

Þess vegna byrjaði hún með Bodysex workshop vinnusmiðjurnar sínar sem hún er enn með í dag í íbúðinni sinni í New York.

Kannski ágætt að taka það fram að Betty varð 86 ára í gær en er hvergi nærri hætt að njóta.

Bæði er hægt að fara í vinnsmiðjuna til að læra á sjálfa sig en einnig er hægt að fara og læra hvernig má halda svona vinnusmiðjur í sínu eigin heimalandi.

Það er líka búið að gera DVD um þessa smiðju og verður brot úr myndinni sýnt á ráðstefnu norrænna klínískra kynfræðinga sem Kynfræðifélags Íslands stendur fyrir og verður haldin fyrsti helgina í október.

Betty mun því heiðra landið með komu sinni og hvatningarorðum svo íslendingar geti farið að njóta kynlífs til hins fulls og undirrituð getur vottað að ekki er vanþörf á. Það verður því hægt að spyrja, spjalla og fræðast um mál málanna sem tengist öllum á einn eða annan hátt.

Þá er Betty einnig mikil listakona sem hefur teiknað urmul af fallegum erótískum myndum og mjög þarfar myndir af allskonar píkum sem hafa verið birtar víða.

Betty heldur úti vefsíðu ásamt samstarfskonu sinni Carlin Ross þar sem þær bæði blogga, fá gestapenna og birtamyndbönd.

Þessi kona er því ein af þeim skörungum sem allir ættu að þekkja því auðvitað er gott að vita hver á heiðurinn að uppruna og margföldun fullnægingarinnar.