Gætum tekið við hundruðum Nadine Guðrún Yaghi skrifar 31. ágúst 2015 07:00 Sýrlenskur karlmaður heldur á særðu barni eftir árásir á Douma austur af Damaskur, höfuðborg Sýrlands. Fréttir herma að stjórnarherinn hafi ráðist á Douma, en svæðið er undir stjórn uppreisnarmanna. Þúsundir flóttamanna hafa að undanförnu reynt að flýja frá stríðshrjáðu Sýrlandi til Evrópu. Stjórnmálaleiðtogar víðast hvar í Evrópu virðast á einu máli um að það þarf að gera miklu meira til að hjálpa þeim. NordicPhotos/afp „Við getum mjög auðveldlega tekið á móti miklu fleira fólki en nú er áætlað. Það er þó ekki Rauða krossins að koma með tölu heldur er það stjórnvalda að ákveða því þetta er spurning um stefnu og skipulag,“ segir Þórir Guðmundsson, deildarstjóri Rauða krossins í Reykjavík, um flóttamannavandann og þátttöku Íslendinga. Fjölmargir Íslendingar hafa kallað eftir því að ríkisstjórnin falli frá áformum sínum um að taka við fimmtíu flóttamönnum í ár og á næst ári. Sú tala eigi að vera hærri og jafnvel miklu hærri.Þórir Guðmundsson, deildarstjóri Rauða krossins í Reykjavík„Ég myndi hiklaust segja að ef við lítum á næstu tvö ár þá ættum við að taka á móti hundruðum, ekki eitt eða tvö hundruð, heldur miklu fleirum. Það er tala sem við ráðum mjög vel við.“ Sláandi myndir hafa birst síðustu daga af börnum sem fullorðnum, ýmist lifandi eða látnu, sem reyna að flýja ástand í heimalandi sínu til meginlands Evrópu til landa á borð við Grikkland og Makedóníu. Fólkið hættir lífi sínu í áhættusömum og ólöglegum fólksflutningum í von um betra líf. „Við höfum séð myndir af fólki sem er að kafna í vöruflutningabílum og af fólki sem er að drukkna í Miðjarðarhafinu. Það verður að hjálpa þessu fólki og við verðum að taka á móti þeim,“ segir Þórir sem fagnar því að sveitarfélög landsins skyldu bregðast vel við því að taka við fleiri flóttamönnum. Borgarastyrjöldin hófst í Sýrlandi fyrir tæplega fjórum og hálfu ári og bjuggu þá 20 milljónir manna í landinu. Tólf milljónir hafa þurft að yfirgefa heimili sín en aðeins um 250 þúsund flóttamenn frá Sýrlandi hafa komist til landa Evrópusambandsins sem svara til aðeins um 2 prósenta þeirra sem þurft hafa að flýja heimili sín. Þórir leggur til að Íslendingar fari í þjóðarátak um gestrisni. „Við þurfum að gera þetta mjög vel og vanda okkur. Við viljum vera gestrisið fólk og eigum að gera allt sem við getum til þess að flóttafólki líði vel, hvort sem það er komið hingað tímabundið á meðan styrjöldin stendur yfir í Sýrlandi eða komið hingað til þess að setjast að.“ Þórir segir það vera mikilvægast að fólkið sem komi til Íslands komist í skjól fjarri styrjaldarsvæðum. „Um leið og fólkið er komið í skjól þarf það að finna fyrir því að það sé velkomið.“ Hann nefnir nokkur dæmi um það hvernig Íslendingar geti gert sitt af mörkum og hjálpast að við að flóttafólki líði vel. „Til dæmis geta Íslendingar gerst stuðningsfjölskyldur, tekið fólki fagnandi, boðið flóttafólki í mat eða bara brosað til fólks í strætó.“ Eygló Harðardóttir velferðarráðherra sagði ríkisstjórnina vera að fara yfir málið hvað varðar fjölda flóttamanna í þættinum Sprengisandi á Bylgjunni í gær. Hún sagðist ekki vilja segja hvort fyrrnefnd tala verði tífölduð eða tvöfölduð vegna þess að hún vildi ekki setja neitt hámark á fjölda þeirra sem við tökum við. Það velti allt á því hversu mikla aðstoð hinn almenni borgari í landinu er tilbúinn til að veita hópnum og ríkisvaldinu. Þá sagði Bjarni Benediktsson fjármálaráðherra í fréttum Stöðvar 2 um helgina að Ísland þyrfti að rétta fram hjálparhönd í þeirri neyð sem flóttamenn búa við í Evrópu. Hann sagðist fylgjandi því að Íslendingar geri meira en gert er núna. Þá sagði hann hryllilegt að horfa á ástandið í Evrópu og við landamæri álfunnar. Íslensk stjórnvöld hljóti að skoða hvað sé hægt að gera til að koma til aðstoðar. Flóttamenn Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Lést við tökur á Emily in Paris Erlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Sjá meira
„Við getum mjög auðveldlega tekið á móti miklu fleira fólki en nú er áætlað. Það er þó ekki Rauða krossins að koma með tölu heldur er það stjórnvalda að ákveða því þetta er spurning um stefnu og skipulag,“ segir Þórir Guðmundsson, deildarstjóri Rauða krossins í Reykjavík, um flóttamannavandann og þátttöku Íslendinga. Fjölmargir Íslendingar hafa kallað eftir því að ríkisstjórnin falli frá áformum sínum um að taka við fimmtíu flóttamönnum í ár og á næst ári. Sú tala eigi að vera hærri og jafnvel miklu hærri.Þórir Guðmundsson, deildarstjóri Rauða krossins í Reykjavík„Ég myndi hiklaust segja að ef við lítum á næstu tvö ár þá ættum við að taka á móti hundruðum, ekki eitt eða tvö hundruð, heldur miklu fleirum. Það er tala sem við ráðum mjög vel við.“ Sláandi myndir hafa birst síðustu daga af börnum sem fullorðnum, ýmist lifandi eða látnu, sem reyna að flýja ástand í heimalandi sínu til meginlands Evrópu til landa á borð við Grikkland og Makedóníu. Fólkið hættir lífi sínu í áhættusömum og ólöglegum fólksflutningum í von um betra líf. „Við höfum séð myndir af fólki sem er að kafna í vöruflutningabílum og af fólki sem er að drukkna í Miðjarðarhafinu. Það verður að hjálpa þessu fólki og við verðum að taka á móti þeim,“ segir Þórir sem fagnar því að sveitarfélög landsins skyldu bregðast vel við því að taka við fleiri flóttamönnum. Borgarastyrjöldin hófst í Sýrlandi fyrir tæplega fjórum og hálfu ári og bjuggu þá 20 milljónir manna í landinu. Tólf milljónir hafa þurft að yfirgefa heimili sín en aðeins um 250 þúsund flóttamenn frá Sýrlandi hafa komist til landa Evrópusambandsins sem svara til aðeins um 2 prósenta þeirra sem þurft hafa að flýja heimili sín. Þórir leggur til að Íslendingar fari í þjóðarátak um gestrisni. „Við þurfum að gera þetta mjög vel og vanda okkur. Við viljum vera gestrisið fólk og eigum að gera allt sem við getum til þess að flóttafólki líði vel, hvort sem það er komið hingað tímabundið á meðan styrjöldin stendur yfir í Sýrlandi eða komið hingað til þess að setjast að.“ Þórir segir það vera mikilvægast að fólkið sem komi til Íslands komist í skjól fjarri styrjaldarsvæðum. „Um leið og fólkið er komið í skjól þarf það að finna fyrir því að það sé velkomið.“ Hann nefnir nokkur dæmi um það hvernig Íslendingar geti gert sitt af mörkum og hjálpast að við að flóttafólki líði vel. „Til dæmis geta Íslendingar gerst stuðningsfjölskyldur, tekið fólki fagnandi, boðið flóttafólki í mat eða bara brosað til fólks í strætó.“ Eygló Harðardóttir velferðarráðherra sagði ríkisstjórnina vera að fara yfir málið hvað varðar fjölda flóttamanna í þættinum Sprengisandi á Bylgjunni í gær. Hún sagðist ekki vilja segja hvort fyrrnefnd tala verði tífölduð eða tvöfölduð vegna þess að hún vildi ekki setja neitt hámark á fjölda þeirra sem við tökum við. Það velti allt á því hversu mikla aðstoð hinn almenni borgari í landinu er tilbúinn til að veita hópnum og ríkisvaldinu. Þá sagði Bjarni Benediktsson fjármálaráðherra í fréttum Stöðvar 2 um helgina að Ísland þyrfti að rétta fram hjálparhönd í þeirri neyð sem flóttamenn búa við í Evrópu. Hann sagðist fylgjandi því að Íslendingar geri meira en gert er núna. Þá sagði hann hryllilegt að horfa á ástandið í Evrópu og við landamæri álfunnar. Íslensk stjórnvöld hljóti að skoða hvað sé hægt að gera til að koma til aðstoðar.
Flóttamenn Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Lést við tökur á Emily in Paris Erlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Sjá meira