Darmstadt náði í stig gegn Dortmund

Borussia Dortmund og Darmstadt gerður 2-2 jafntefli í þýsku úrvalsdeildinni í knattspyrnu í dag.

Marcel Heller kom gestunum í Darmstadt yfir eftir korters leik en þá var komið að Pierre-Emerick Aubameyang sem skoraði tvö næstu mörk leiksins og það fyrir Dortmund.

Aytac Sulu var hetja Darmstadt í leiknum og jafnaði hann metin á 90. mínútu leiksins.

Dortmund er í öðru sæti deildarinnar með 17 stig, fjórum stigum á eftir FC Bayern. Darmstadt er í því níunda með tíu stig.