Demna Gvasalia nýr listrænn stjórnandi Balenciaga

Ritstjórn skrifar 7. október 2015 13:00

Demna Gvasalia er nafn sem við eigum eftir að heyra ansi oft á næstunni, en hann mun taka við sem yfirhönnuður hjá Balenciaga. Það kemur fram í yfirlýsingu frá þeim í dag.

Hann tekur við af hönnuðinum Alexander Wang sem hefur gegnt því hlutverki síðan í árslok 2012.

Alexander Wang hljóp brosandi hringinn á síðustu sýningu sinni fyrir Balenciaga.

Demna Gvasalia er 34 ára frá Georgíu. Hann lærði fatahönnun í Royal Academy of Fine Arts í Belgíu. Hann hefur meðal annars starfað í teymum hjá Maison Martin Margiela og Louis Vuitton.

Hann er einn af sjö fatahönnuðum hjá einu heitasta merkinu í París í dag, Vetements. Hann hyggst halda áfram að hanna fyrir Vetements, samhliða því að vera hjá Balenciaga.

Það verður spennandi að fylgjast með Gvasalia í nýja hlutverkinu, en fyrsta lína hans fyrir Balenciaga ætti að líta dagsins ljós á tískuvikunni í febrúar.

Ekki missa af nýjasta tölublaði Glamour sem er nú komið í allar helstu verslanir, stútfullt af fjölbreyttu efni!

Smelltu hér til að tryggja þér áskrift!

Glamour Tíska