Hampiðjan valin í First North 25 vísitöluna

Hampiðjan er eina íslenska félagið sem valið hefur verið inn í nýju First North 25 vísitöluna. Þetta kemur fram í frétt á vef Nasdaq. Vísitalan var kynnt í byrjun mánaðarins og er vísitala þeirra 25 félaga sem eru stærst og mest er átt viðskipti með á Nasdaq First North og Nasdaq First North Premier.

Val á þeim 25 félögum sem eru í First North 25 fer fram í tveimur skrefum. Fyrst eru fundin 30 stærstu félögin eftir markaðsvirði og síðan eru 25 þeirra sem mest er átt viðskipti með valin í vísitöluna, en þar er litið til samanlagðar heildarfjárhæðar viðskipta yfir sex mánaða tímabil. First North 25 vísitalan er endurskoðuð tvisvar á ári og tekur ný samsetning gildi á fyrsta viðskiptadegi í janúar og júlí.