Bjarki Sig, Fúsi og Birkir Ívar spila með Þrótti Vogum í bikarnum

Þróttur Vogum, sem tekur ekki þátt í deildarkeppni handboltans, mætir með stjörnum prýtt lið til leiks í Coca Cola-bikar karla, en Þróttarar taka á móti KR í 32 liða úrslitum keppninnar á sunnudaginn klukkan 16.00 í Strandgötu.

Þrátt fyrir að vera ekki með stærsta liðið í keppninni er mjög auðvelt að fullyrða að Þróttarar eiga lang flestu landsleikina af öllum þeim liðum sem taka þátt í bikarnum. Í heildina eiga leikmenn Þróttar Vogum 1.059 landsleiki að baki.

Á meðal þeirra sem skráðir eru í Þrótt fyrir bikarinn eru markverðirnir Birkir Ívar Guðmundsson og Roland Eradze. Báðir spiluðu lengi með landsliðinu og eiga samtals 192 landsleiki að baki.

Þegar kemur að öðrum leikmönnum rekur hver stjarnan aðra. Bjarki Sigurðsson, þjálfari HK, er skráður til leiks, en Bjarki er einn besti leikmaður sem Ísland hefur alið af sér og á að baki 228 landsleiki.

Sigfús Sigurðsson, Rússajeppinn, er einnig skráður til leiks en þessi magnaði línumaður spilaði 162 landsleiki. Af fleiri landsliðsmönnum má nefna Þóri Ólafsson (112 landsleikir), Gylfi Gylfason (27), Valgarð Thorodsen (30) og Heimir Örn Árnason (23).

Allir leikmenn liðsins hafa annað hvort spilað landsleik, pressuleik eða hið minnsta neita að spila pressuleik.

Þjálfarar eru Jón Kristjánsson, fyrrverandi leikmaður og þjálfari Vals, og Patrekur Jóhannesson, þjálfari austurríska landsliðsins.

Markverðir:

Birkir Ívar Guðmundsson 140

Roland Eradze 52

Aðrir leikmenn:

Freyr Brynjarsson 3

Valur Arnarsson Spilaði pressuleik    

Haukur Sigurvinsson Spilaði pressuleik

Hilmar Örn Þórlindsson 13

Heimir Örn Árnason 23

Arnar Pétursson 17

Halldór Á. Ingólfsson 30

Bjarki Sigurðsson 228

Guðlaugur Arnarsson 3    

Sigmundur Páll Lárusson Eigandi

Þorkell Guðbrandsson Spilaði pressuleik

Valgarð Thorodssen 30

Einar Örn Jónsson 122

Samúel Ívar Árnason Spilaði pressuleik

Finnur Jóhannsson Neitaði að spila landsleik    

Haraldur Þorvarðar Spilaði pressuleik

Sigfús Sigurðsson - Meiddur 162

Logi Geirsson - Er í samningaviðræðum 97

Þórir Ólafsson - Meiddur 112

Gylfi Gylfason - Meiddur 27

Liðstjórn:

Þjálfarar- Jón Kristjánsson og Patrekur Jóhannesson

Liðstjóri - Ingibjörg Ragnarsdóttir