Lífið er kraftaverk

„Við systurnar lentum í hremmingum með stuttu millibili. Svanhildur fékk krabbamein og fór í uppskurð og geislameðferð árið 2009 og ég í hjartastopp árið 2012, dó og var endurlífguð. Á milli þessara áfalla fórum við til Tenerife, sem má segja að hafi verið eins konar stund milli stríða. 

Á sýningunni eru málverk sem eru innblásin af þeirri ferð og þar má sjá okkur ásamt fleiri persónum úr listasögunni á sólarströnd að njóta augnabliksins,“ segir Svanhildur Vilbergsdóttir myndlistarkona sem í dag opnar sýningu í Gerðubergi með systur sinni Söru.

Þær systur vinna náið saman í myndlistinni. „Við vinnum allar myndirnar í sameiningu frá A til Ö og þótt við séum ólíkar förum við í sama takt þegar við erum að mála.“



Þrátt fyrir að dramatíkin fái að vera með á þessari sýningu er fókusinn ekki síður á bjartari hliðar tilverunnar. „Lífið er kraftaverk og við ætlum að reyna að njóta þess eins og við best getum,“ segir Sara. Meira um þær systur á duosisters.com.