Ed Sheeran gaf Grammy-fötin til góðgerðarmála

Söngvarinn sjarmerandi, Ed Sheeran, sendi móður sína, Imogen, með öll fötin, sem hann kom fram í á Grammy-hátíðinni, til Englands.

Fötin gaf hann til góðgerðarverslunarinnar St. Elizabet Hospice í Framlingham.

Því eiga aðdáendur Sheerans kost á því að eignast fatnað sem hann kom fram í á þessari stóru hátíð.

Þetta er ekki í fyrsta sinn sem Sheeran gefur föt til góðgerðarmála, en í fyrra gaf hann átta poka af fatnaði til góðgerðarmála.

Fötin voru gríðarlega vinsæl og seldust fyrir rúmar 800.000 íslenskar krónur.

Sheeran kom fram nokkrum sinnum á hátíðinni, meðal annars með John Mayer, Herbie Hancock og ELO. Hann og Beyoncé fluttu einnig syrpu til heiðurs Stevie Wonder, eins og sjá má í myndbandinu hér fyrir neðan.