Heitt og kalt Sara McMahon skrifar 26. maí 2015 07:00 Cause you‘re hot then you‘re cold, you‘re yes then you‘re no. You‘re in then you‘re out, you‘re up then you‘re down.“ Svo söng bandaríska söngkonan Katy Perry um óákveðinn ástmann sinn og einmitt svona líður mér gagnvart íslenska „sumrinu“. Það er heitt, kalt, upp og niður. Eina stundina situr maður fáklæddur úti á verönd og sleikir sólina, þá næstu er aftur komin slydda og vetur. Það er ekki nema von að svo tætingslaust veðurfar geti af sér óskipulagt og spontant fólk. Er það annars ekki talið vera eitt af persónueinkennum íslensku þjóðarinnar; óskipulag? Við kunnum víst ekki að skipuleggja nokkurn skapaðan hlut fram í tímann og allt er gert á síðustu stundu undir þeim formerkjum að „þetta reddist“ – nokkuð sem erlendum ferðamönnum þykir afskaplega heillandi við Íslendinga. Vinafólk mitt var til að mynda tilneytt til að bíða í margar vikur eftir því að það stytti upp nokkra daga í röð svo hægt væri að skipta um þak á heimili þeirra. Þegar veðurspáin varð þeim loks hliðholl vann smiðurinn baki brotnu til þess að ljúka verkinu áður en næsti skúr skylli á. Sem betur fer hafðist það – það reddaðist. Svo var það lautarferðin sem farin var síðasta sumar, það voru gerðar tvær tillögur að henni: Sú fyrri tók mið af þurrki, en sú seinni gerði ráð fyrir vætu. Þegar á hólminn var komið hékk hann þurr – þetta reddaðist, sem betur fer. Íslenska veðursældin hefur sem sagt alið af sér fólk sem vonar það besta en er ávallt undirbúið fyrir hið versta. Og kann svo virkilega að njóta þess þegar allt fer á besta veg – þegar allt reddast. Viltu birta grein á Vísi? Sendu okkur póst. Senda grein Sara McMahon Mest lesið Bankar gegn þjóð Bjarni Jónsson Skoðun Myndu H-HH-HHH (hægri) og V-VV-VVV (vinstri) breyta stjórnmálunum? Haukur Arnþórsson Skoðun Takk, Gísli Marteinn Eva Dögg Davíðsdóttir Skoðun Knatthús á versta stað í Borgarnesi? Sólveig Ólafsdóttir Skoðun Ísland og alþjóðasáttmálar Hjálmtýr Heiðdal Skoðun Áskorun til hæstvirts fjármálaráðherra Sigurðar Inga Jóhannssonar frá sérfræðingum í klínískri sálfræði Haukur Haraldsson,Sólveig Erna Jónsdóttir,Kristbjörg Þórisdóttir,Inga Hrefna Jónsdóttir Skoðun „Hagkvæm nýting skólahúsnæðis“ Dröfn Farestveit Skoðun Veistu þitt skýjaspor? Hólmfríður Rut Einarsdóttir,Þóra Rut Jónsdóttir Skoðun Aftur fram af hengifluginu? Ingólfur Sverrisson Skoðun Íslensk kjör á íslenskum vinnumarkaði Kristrún Frostadóttir Skoðun
Cause you‘re hot then you‘re cold, you‘re yes then you‘re no. You‘re in then you‘re out, you‘re up then you‘re down.“ Svo söng bandaríska söngkonan Katy Perry um óákveðinn ástmann sinn og einmitt svona líður mér gagnvart íslenska „sumrinu“. Það er heitt, kalt, upp og niður. Eina stundina situr maður fáklæddur úti á verönd og sleikir sólina, þá næstu er aftur komin slydda og vetur. Það er ekki nema von að svo tætingslaust veðurfar geti af sér óskipulagt og spontant fólk. Er það annars ekki talið vera eitt af persónueinkennum íslensku þjóðarinnar; óskipulag? Við kunnum víst ekki að skipuleggja nokkurn skapaðan hlut fram í tímann og allt er gert á síðustu stundu undir þeim formerkjum að „þetta reddist“ – nokkuð sem erlendum ferðamönnum þykir afskaplega heillandi við Íslendinga. Vinafólk mitt var til að mynda tilneytt til að bíða í margar vikur eftir því að það stytti upp nokkra daga í röð svo hægt væri að skipta um þak á heimili þeirra. Þegar veðurspáin varð þeim loks hliðholl vann smiðurinn baki brotnu til þess að ljúka verkinu áður en næsti skúr skylli á. Sem betur fer hafðist það – það reddaðist. Svo var það lautarferðin sem farin var síðasta sumar, það voru gerðar tvær tillögur að henni: Sú fyrri tók mið af þurrki, en sú seinni gerði ráð fyrir vætu. Þegar á hólminn var komið hékk hann þurr – þetta reddaðist, sem betur fer. Íslenska veðursældin hefur sem sagt alið af sér fólk sem vonar það besta en er ávallt undirbúið fyrir hið versta. Og kann svo virkilega að njóta þess þegar allt fer á besta veg – þegar allt reddast.
Áskorun til hæstvirts fjármálaráðherra Sigurðar Inga Jóhannssonar frá sérfræðingum í klínískri sálfræði Haukur Haraldsson,Sólveig Erna Jónsdóttir,Kristbjörg Þórisdóttir,Inga Hrefna Jónsdóttir Skoðun
Áskorun til hæstvirts fjármálaráðherra Sigurðar Inga Jóhannssonar frá sérfræðingum í klínískri sálfræði Haukur Haraldsson,Sólveig Erna Jónsdóttir,Kristbjörg Þórisdóttir,Inga Hrefna Jónsdóttir Skoðun