Árni Björn Guðjónsson býður sig fram til forseta

Árni Björn Guðjónsson, listmálari og húsgagnasmiður, greinir frá því í yfirlýsingu til fjölmiðla að hann hafi ákveðið að bjóða sig fram til forseta Íslands. Árni er 76 ára og bauð sig fram á Alþingi fyrir Kristilega lýðræðisflokkinn árin 1995 og 1999.

Í yfirlýsingu sinni segir Árni að framboðið sé sett fram með fyrirvara um stuðning. Fyrst og fremst muni hann leggja áherslu á að eyða hatri hér á landi og um heim allan í samstarfi við Páfann.

Árni segist aðeins ætla að sitja tvö kjörtímabil ef hann nær kjöri.