Alexander rétt á undan Arnóri Atla í einkunnagjöf Hbstatz

Alexander Petersson var besti leikmaður íslenska handboltalandsliðsins í tapleiknum á móti Hvíta Rússlandi í öðrum leik liðsins á Evrópumótinu í Póllandi.

Hbstatz.is tekur saman tölfræði íslenska liðsins á Evrópumótinu og Vísir hefur fengið leyfi til að sækja upplýsingar í tölfræðikerfið en það kemur með nýja vídd í handboltatölfræði á Íslandi.

Tölfræðikerfið hjá Hbstatz.is tekur meðal annars saman einkunn leikmanna út frá tölfræði þeirra í viðkomandi leik og þá er bæði tekin saman frammistaðan í vörn og sókn.

Alexander Petersson var hæstur í leiknum á móti Hvíta Rússlandi með 7,7 í tölfræðieinkunn en hann var aðeins hærri en Arnór Atlason sem fékk 7,6 í einkunn. Arnór Þór Gunnarsson og Aron Pálmarsson voru síðan jafnir í þriðja sætinu með 6,9, rétt á undan fyrirliðanum Guðjóni Val Sigurðssyni sem fékk einkunnina 6,8.

Sjá einnig:Aron Pálmarsson fékk langhæstu einkunnina hjá Hbstatz

Arnór Atlason fékk langhæstu einkunnina fyrir sóknarleikinn eða 9,1 en hann klikkaði ekki á skoti, tapaði ekki bolta og átti fullt af stoðsendingum. Alexander Petersson og Aron Pálmarsson voru jafnir í öðru sæti með 7,9 í einkunn fyrir sóknarleikinn.

Ásgeir Örn Hallgrímsson (7,0) fékk hæstu einkunnina fyrir varnarleikinn en annar var hornamaðurinn Arnór Þór Gunnarsson með 6,9. Þriðji voru síðan þeir Vignir Svavarsson og Bjarki Már Gunnarsson með 6,3 í einkunn fyrir varnarleikinn.

Barys Pukhouski var hæstur í liði Hvít Rússa með einkunn upp á 9,8 en íslenska liðið réði ekkert við hann í þessum leik. Siarhei Rutenka var síðan annar með einkunn upp á 7,6.



Einkunnagjöf íslensku leikmannanna í 38-39 tapi á móti Hvíta Rússlandi:

Alexander Petersson     7.7     

Arnór Atlason     7.6     

Arnór Þór Gunnarsson     6.9     

Aron Pálmarsson     6.9     

Guðjón Valur Sigurðsson     6.8     

Róbert Gunnarsson     6.5     

Vignir Svavarsson     6.5     

Snorri Steinn Guðjónsson     6.2     

Ásgeir Örn Hallgrímsson     6.2

Björgvin Páll Gústavsson     5.6    

Bjarki Már Gunnarsson     5.3     

Guðmundur Hólmar Helgason     5.2     

Stefán Rafn Sigurmannsson     5.0     

Ólafur Guðmundsson     5.0     

Rúnar Kárason     4.7

Aron Rafn Eðvarðsson     4.6

Besta framistaðan í sókn

Arnór Atlason     9.1     

Alexander Petersson     7.9     

Aron Pálmarsson     7.9     

Arnór Þór Gunnarsson     7.3     

Guðjón Valur Sigurðsson     7.3     

Róbert Gunnarsson     7.3     

Besta frammistaðan í vörn

Ásgeir Örn Hallgrímsson     7.0

Arnór Þór Gunnarsson     6.9

Vignir Svavarsson     6.3

Bjarki Már Gunnarsson     6.3

Alexander Petersson     6.2