Gunnhildur nálgast Sigrúnu en það er langt í met Guðbjargar

Gunnhildur Gunnarsdóttir, leikmaður Íslands- og bikarmeistar Snæfells, hefur ekki misst úr landsleik síðan að hún lék sin fyrsta A-landsleik á Norðurlandamótinu í Noregi í maí 2012.

Gunnhildur er farin að nálgast þær landsliðskonur sem haldið hafa sæti sínu í liðinu lengst eftir að hafa spilað sinn fyrsta leik.

Gunnhildur spilar væntanlega sinn 22. leik í röð á móti Portúgal á morgun og fer þar með upp fyrir Sólveigu Gunnlaugsdóttur.

Gunnhildur vantar þá bara tvo leiki til að jafna afrek liðsfélags síns í íslenska liðinu í dag. Sigrún Sjöfn Ámundadóttir lék 24 leiki í röð frá því að hún fékk sitt fyrsta tækifæri með landsliðinu og aðeins þrjár landsliðskonur hafa gert betur.

Metið á Guðbjörg Norðfjörð, varaformaður KKÍ og fararstjóri íslenska liðsins í Portúgal. Guðbjörg spilaði sinn fyrsta landsleik á móti Danmörku 10. október 1990 og missti síðan ekki úr landsleik fyrr en á Norðurlandamótinu í Bergen tæpum tíu árum síðar.

Guðbjörg lék alls 45 landsleiki í röð frá fyrsta landsleik en hún var í fæðingarorlofi þegar hún missti af landsleikjunum í áratug.

Hildur Sigurðardóttir var farin að nálgast met Guðbjargar árið 2004 þegar hún var komin með 40 leiki í röð frá fyrsta leik en missti þá af einum landsleik vegna meiðsla.

Anna Dís Sveinbjörnsdóttir er í þriðja sæti listans en hún lék 30 leiki í röð frá og með sínum fyrsta A-landsleik.

Flestir leikir í röð frá fyrsta landsleik:

45 · Guðbjörg Norðfjörð

40 · Hildur Sigurðardóttir

30 · Anna Dís Sveinbjörnsdóttir

24 · Sigrún Sjöfn Ámundadóttir

21 · Gunnhildur Gunnarsdóttir

21 · Sólveig Gunnlaugsdóttir

17 · Ragna Margrét Brynjarsdóttir

16 · Hanna B. Kjartansdóttir

16 · Olga Færseth

15 · Gréta María Grétarsdóttir

15 · Pálína Gunnlaugsdóttir

14 · Linda Stefánsdóttir

12 · Hildur Björg Kjartansdóttir

12 · Lovísa Guðmundsdóttir

12 · Margrét Rósa Hálfdanardóttir