Fyrsta hlaupársbarnið kom í heiminn á áttunda tímanum í Reykja­vík

Fyrsta hlaupársbarnið kom í heiminn á áttunda tímanum í morgun á Landspítalanum í Reykjavík. 

Samkvæmt upplýsingum frá Sjúkrahúsinu á Akureyri kom barn í heiminn þar klukkan 8:51.

Ekkert barn hafði fæðst á fæðingarvaktinni á heilbrigðisstofnunum á Selfossi, Akranesi, Ísafirði og Neskaupsstað klukkan 10 í morgun.

Hlaupár eru ár þar sem degi er bætt við almanaksár til að leiðrétta skekkju í tímatali en nánar má lesa um hvaða reglur gilda um slíkt á vef Almanaks Háskóla Íslands.

Á meðal frægra manna sem hafa fæðst á þessum merka degi er bandaríski söngvarinn Ja Rule.