Syngja um huldar verur við kertaljós Gunnþóra Gunnarsdóttir skrifar 5. mars 2016 10:15 Rannveig, Erla og Hrönn hlakka til tónleikanna. Vísir/Ernir „Við ætlum að töfra fram yfirnáttúrulegar verur á borð við álfa, tröll, skrímsli, vatnaverur og drauga með tali og seiðandi tónum við kertaljós í einskonar baðstofustemmningu.“ Þannig lýsir Erla Björg Káradóttir söngtónleikum sem hún og systir hennar Rannveig halda í Vídalínskirkju í Garðabæ á morgun sunnudag, klukkan 17. Þar ætla þær að flytja lög eftir Sigvalda Kaldalóns, Sigurð Þórðarsson, jón Ásgeirsson, Jórunni Viðar, Clöru og Róbert Schumann, Grieg, Duparc, Menotti, Gounod og fleiri. Hrönn Þráinsdóttur leikur með þeim á píanó. „Við ákváðum að syngja eitthvað sem okkur þætti skemmtilegt og vorum búnar að velja óskalög, hvor fyrir sig,“ segir Erla. „Ég veit ekki hvernig það gerðist en allt í einu vorum við komnar á kaf í bakgrunninn á þessum lögum, sérstaklega systir mín sem býr í London. Hún fann fallegar náttúrumyndir til að varpa upp á vegg meðan við syngjum og segjum sögur, enda tengist trúin á óræð öfl yfirleitt náttúrunni.“ Auk þess að syngja um íslenska álfa bregða þær systur sér til Svartfjallalands þar sem veiðimaður sér undurfagra álfamey koma út úr kletti og verður aldrei samur. Þær túlka söguna af Pétri Gaut eftir Ibsen sem bæði Grieg og Hjálmar H. Ragnarsson hafa gert tónlist við. Vatnaverur á borð við Loreley koma við sögu og meira að segja Kölski. Erla kveðst ætla að flytja aríu Steinunnar út Galdra-Lofti eftir Jón Ásgeirsson sem mjög sjaldan heyrist. Hún hlær að spurningunni um hvort séra Jóna Hrönn viti af þessu kölskadæmi? „Nei, þá hefðum við örugglega ekki fengið inni í safnaðarheimilinu, þó við séum báðar fyrrverandi sunnudagskólakennarar!“ Eftir að hafa útskrifast úr söng hér heima segir Erla þær systur báðar hafa haldið út í heim í framhaldsnám, hún til Salzburg í Austurríki og Rannveig til Ítalíu. „Ég er komin heim og er virk í Íslensku óperunni en Rannveig lauk MA námi í London og býr þar núna. Hún er bara í stuttu stoppi hér heima, búin að krækja sér í tenor þarna úti svo hún fer víst fljótlega aftur! En við erum sópransystur og búnar að syngja saman frá því við vorum litlar.“ Menning Mest lesið Heitustu skvísur landsins fögnuðu íslenskri húðvöru Lífið Áslaug Arna kom sér fyrir á innan við viku Lífið Vissu fyrir löngu að þau vildu verja ævinni saman Lífið Þórdís Elva fann ástina í örmum poppstjörnu Lífið Eins og ef Laddi hefði hvatt krakka til að reykja krakk eða sígarettur Lífið Tímalausar og fallegar brúðargjafir Lífið Risastór menningarhátíð á Flateyri Menning „Síðustu tíu árin hafa verið erfið“ Lífið Skákborðsréttir nýjasta matartískan Lífið Perry og Bloom saman á snekkju Bezos Lífið Fleiri fréttir Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum „Ég er sáttur við það dagsverk“ Glatkistunni lokað Laxveiði í net á góðum sumardegi 1993 í Óseyrarnesi Ragga Gísla er borgarlistamaður Reykjavíkur Stórstjörnur úr dansheiminum í Tjarnarbíói Ráðin nýr forstöðumaður Gunnarsstofnunar á Skriðuklaustri „Er ég ekki nóg nema ég sé í gervi einhvers annars?“ Dularfull glæpasaga fær bókafólk til að klóra sér í kolli Ungfrú Ísland og Hringir Orfeusar og annað slúður með flest verðlaun á Grímunni Frægasti ástarþríhyrningur sögunnar fær nýtt líf Ljóð Lomma reyndist vera skáldskapur gervigreindarinnar Eva Fretheim hlaut Glerlykilinn Listamaðurinn sem gleymdist gjörsamlega „Ekkert gengið að casha út á pabba“ Hildur í aðalhlutverki á Listahátíð í Reykjavík Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Verðlaunaleikstjóri leikstýrir jólasýningu Þjóðleikhússins Krimmi Elizu Reid á toppnum annan mánuðinn í röð Áslaug Arna, Dóri DNA og Frikki Dór í listapartýi Sjá meira
„Við ætlum að töfra fram yfirnáttúrulegar verur á borð við álfa, tröll, skrímsli, vatnaverur og drauga með tali og seiðandi tónum við kertaljós í einskonar baðstofustemmningu.“ Þannig lýsir Erla Björg Káradóttir söngtónleikum sem hún og systir hennar Rannveig halda í Vídalínskirkju í Garðabæ á morgun sunnudag, klukkan 17. Þar ætla þær að flytja lög eftir Sigvalda Kaldalóns, Sigurð Þórðarsson, jón Ásgeirsson, Jórunni Viðar, Clöru og Róbert Schumann, Grieg, Duparc, Menotti, Gounod og fleiri. Hrönn Þráinsdóttur leikur með þeim á píanó. „Við ákváðum að syngja eitthvað sem okkur þætti skemmtilegt og vorum búnar að velja óskalög, hvor fyrir sig,“ segir Erla. „Ég veit ekki hvernig það gerðist en allt í einu vorum við komnar á kaf í bakgrunninn á þessum lögum, sérstaklega systir mín sem býr í London. Hún fann fallegar náttúrumyndir til að varpa upp á vegg meðan við syngjum og segjum sögur, enda tengist trúin á óræð öfl yfirleitt náttúrunni.“ Auk þess að syngja um íslenska álfa bregða þær systur sér til Svartfjallalands þar sem veiðimaður sér undurfagra álfamey koma út úr kletti og verður aldrei samur. Þær túlka söguna af Pétri Gaut eftir Ibsen sem bæði Grieg og Hjálmar H. Ragnarsson hafa gert tónlist við. Vatnaverur á borð við Loreley koma við sögu og meira að segja Kölski. Erla kveðst ætla að flytja aríu Steinunnar út Galdra-Lofti eftir Jón Ásgeirsson sem mjög sjaldan heyrist. Hún hlær að spurningunni um hvort séra Jóna Hrönn viti af þessu kölskadæmi? „Nei, þá hefðum við örugglega ekki fengið inni í safnaðarheimilinu, þó við séum báðar fyrrverandi sunnudagskólakennarar!“ Eftir að hafa útskrifast úr söng hér heima segir Erla þær systur báðar hafa haldið út í heim í framhaldsnám, hún til Salzburg í Austurríki og Rannveig til Ítalíu. „Ég er komin heim og er virk í Íslensku óperunni en Rannveig lauk MA námi í London og býr þar núna. Hún er bara í stuttu stoppi hér heima, búin að krækja sér í tenor þarna úti svo hún fer víst fljótlega aftur! En við erum sópransystur og búnar að syngja saman frá því við vorum litlar.“
Menning Mest lesið Heitustu skvísur landsins fögnuðu íslenskri húðvöru Lífið Áslaug Arna kom sér fyrir á innan við viku Lífið Vissu fyrir löngu að þau vildu verja ævinni saman Lífið Þórdís Elva fann ástina í örmum poppstjörnu Lífið Eins og ef Laddi hefði hvatt krakka til að reykja krakk eða sígarettur Lífið Tímalausar og fallegar brúðargjafir Lífið Risastór menningarhátíð á Flateyri Menning „Síðustu tíu árin hafa verið erfið“ Lífið Skákborðsréttir nýjasta matartískan Lífið Perry og Bloom saman á snekkju Bezos Lífið Fleiri fréttir Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum „Ég er sáttur við það dagsverk“ Glatkistunni lokað Laxveiði í net á góðum sumardegi 1993 í Óseyrarnesi Ragga Gísla er borgarlistamaður Reykjavíkur Stórstjörnur úr dansheiminum í Tjarnarbíói Ráðin nýr forstöðumaður Gunnarsstofnunar á Skriðuklaustri „Er ég ekki nóg nema ég sé í gervi einhvers annars?“ Dularfull glæpasaga fær bókafólk til að klóra sér í kolli Ungfrú Ísland og Hringir Orfeusar og annað slúður með flest verðlaun á Grímunni Frægasti ástarþríhyrningur sögunnar fær nýtt líf Ljóð Lomma reyndist vera skáldskapur gervigreindarinnar Eva Fretheim hlaut Glerlykilinn Listamaðurinn sem gleymdist gjörsamlega „Ekkert gengið að casha út á pabba“ Hildur í aðalhlutverki á Listahátíð í Reykjavík Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Verðlaunaleikstjóri leikstýrir jólasýningu Þjóðleikhússins Krimmi Elizu Reid á toppnum annan mánuðinn í röð Áslaug Arna, Dóri DNA og Frikki Dór í listapartýi Sjá meira
Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“