Real heldur pressunni á Barcelona áfram

Real Madrid er einu stigi á eftir Barcelona í baráttunni um spænska meistaratitilinn eftir 5-1 sigur á Getafe í dag, en Barcelona á þó leik til góða.

Karim Benzema kom Real Madrid yfir á 29. mínútu og Isco tvöfaldaði forystuna fyrir hlé.

Gareth Bale, James Rodriguez og Cristiano Ronaldo skoruðu allir sitt hvort markið, en Pablo Sarabia minnkaði muninn fyrir Getafe. Lokatölur 5-1.

Getafe er á botninum með 28 stig, en Real er stigi á eftir Barcelona á toppnum. Bæði Barcelona og Atletico Madrid, sem er í þriðja sætinu með 73 stig, eiga leik til góða.