Umfjöllun, viðtöl og einkunnir: Fylkir - KR 1-4 | Létt Lautarferð hjá KR-ingum | Sjáðu mörkin Smári Jökull Jónsson á Flórídana-vellinum í Árbænum skrifar 17. júlí 2016 22:30 Gunnar Þór Gunnarsson, leikmaður KR. vísir/anton brink KR vann öruggan sigur á Fylkismönnum í Pepsi-deild karla á Flóridana-vellinum í Árbæ í kvöld og skilja Fylkismenn eftir í fallsæti, 4 stigum frá öruggu sæti. Yfirburðir KR voru algjörir og þeir voru komnir í 2-0 forystu eftir tíu mínútna leik. Fylkismenn náðu þó að minnka muninn fljótlega en Óskar Örn Hauksson kom KR í 3-1 fyrir leikhlé. Í síðari hálfleik var svipað uppi á teningunum þó svo að mörkin hafi verið færri. KR-ingar voru mikið betri og Óskar Örn bætti við öðru marki snemma í hálfleiknum. Fylkismenn voru aldrei líklegir til þess að ógna KR-ingum sem spiluðu vel á meðan heimamenn voru arfaslakir. Lokatölur 4-1 og KR eru því komnir með 5 stiga forystu á Árbæinga í neðri hluta Pepsi-deildarinnar. Fylkismenn sitja sem fastast í fallsæti.Af hverju vann KR? KR var einfaldlega mun betra liðið í kvöld og unnu sanngjarnan 4-1 sigur. Góð byrjun þeirra lagði grunninn að sigrinum og þó svo að Fylkismenn hafi náð að minnka muninn í 2-1 var aldrei spurning hvoru megin sigurinn myndi lenda. KR-ingar spiluðu vel í leiknum og sköpuðu sér góð færi fyrir utan þau sem þeir skoruðu úr. Fylkismenn fengu ágæt færi en þau voru ekki mörg og sóknarleikur þeirra gekk ekki vel. Willum Þór Þórsson er greinilega búinn að koma sjálfstrausti í KR liðið og sóknarleikurinn gengur mun betur. Fyrir leikinn voru þeir búnir að skora 8 mörk í deildinni en bættu heldur betur við þá tölu í kvöld.Þessir stóðu upp úr: Óskar Örn Hauksson átti mjög góðan leik í liði KR. Hann lagði upp mark fyrir Aron Bjarka Jósepsson og skoraði svo tvö mörk sjálfur, annað með skalla en hitt með þrumuskoti fyrir utan teig. Morten Beck var sömuleiðis öflugur í hægri bakverðinum hjá Vesturbæingum og lagði upp tvö mörk. Þá var Finnur Orri ágætur á miðjunni og Morten Beck Andersen virðist vera að komast í gang og hefur nú skorað þrjú mörk í síðustu tveimur leikjum, í Evrópukeppni og Pepsi-deildinni. Það var fátt um fína drætti hjá Fylki. Þeir sýndu á köflum ágæta baráttu og það var helst Andri Þór Jónsson sem sýndi sæmilegan leik. Ólafur Íshólm varði í nokkur skipti ágætlega.Hvað gekk illa? Sóknarleikur Fylkis og spilið úti á vellinum gekk ekki vel. KR-ingar pressuðu Fylkismenn vel framarlega á vellinum og Árbæingum gekk bölvanlega að leysa pressu KR. Heimamenn enduðu oft á því að senda langan bolta fram þar sem Albert Ingason gat lítið annað gert en að hlaupa og reyna að vinna boltann. Miðja Fylkismanna varð undir í dag og þjónustan við framherjana því lítil. Fylkismönnum gekk einnig illa að byrja leikinn. Þeir fengu á sig tvö mörk á fyrstu 10 mínútunum og eftir það var róðurinn þungur. Lið sem fær á sig fjögur mörk í leik þarf væntanlega að skoða varnarleikinn sinn betur og það verður verðugt verkefni fyrir Hermann að bæta hann.Hvað gerist næst? KR á Evrópuleik gegn Grasshopper í vikunni og halda til Sviss með 3-3 jafntefli á heimavelli í farteskinu. Það getur allt gerst en þeir eiga eflaust von á erfiðum leik. Þeir halda svo í Víkina og mæta þar heimamönnum í Pepsi-deildinni á mánudaginn í næstu viku. Jeppe Hansen er kominn til liðs við KR og fékk tækifærið í nokkrar mínútur í dag. Hann gæti reynst þeim dýrmætur en Morten Beck Andersen virðist vera búinn að finna skotskóna og því gæti Jeppe þurft að bíða um stund á varamannabekknum. Fylkismenn fá Stjörnuna í heimsókn í Árbæinn eftir viku en Stjörnumenn eru komnir á sigurbraut og hafa unnið tvo leiki í röð í deildinni. Það verður athyglisvert að sjá hvort Hermann Hreiðarsson nær að hrista Fylkisliðið saman fyrir þann leik. Willum Þór: Feykilega ánægður með stuðninginnWillum Þór þjálfari KRvísir/anton brinkWillum Þór Þórsson þjálfari KR var mjög ánægður með frammistöðu sinna manna í 4-1 sigrinum á Fylki í Árbæ í kvöld. „Ég er mjög ánægður með liðið í kvöld. Við vissum það að við værum að mæta hingað í mjög erfiðan leik á móti liði sem er búið að vinna síðustu tvo leiki og komnir í gang. Þeir spila mjög fast og ákveðið og við ákváðum að mæta því. Ég er virkilega ánægður með hvernig KR-liðið brást við í kvöld,“ sagði Willum Þór í samtali við Vísi að leik loknum. KR pressaði Fylkisliðið duglega í dag og réðu heimamenn lítið við þá pressu. „Við ætluðum að leggjast hátt á þá og pressa og reyna síðan að vinna úr því. Það auðvitað hjálpaði okkur að skora snemma og spilið var að virka mjög vel. Þegar mörkin koma og trúin eflist í liðinu þá virkar þetta vel og við sigldum þessu heim nokkuð agað. Ég var líka feykilega ánægður með stuðninginn sem við fengum í dag. Við þurftum á honum að halda og hann hjálpaði liðinu mikið í dag,“ sagði Willum Þór. Sóknarleikur KR virðist vera að lagast en fyrir leikinn höfðu þeir aðeins skorað 8 mörk í Pepsi-deildinni í sumar. „Við höfum aðallega lagt áherslu á liðsheildina og að vera ekki að gera of miklar breytingar. Gera einföldu hlutina vel og liðið hefur brugðist mjög vel við því,“ sagði Willum að lokum. Hermann: Getur vel verið að Sító fariHermann Hreiðarsson þjálfari FylkisJose Seoane Vergara, eða Sító eins og hann er oftast kallaður, sat allan tímann á bekknum hjá Fylkismönnum í tapleiknum gegn KR í kvöld. Vísir spurði Hermann Hreiðarsson, þjálfara Fylkis, að því hvort Sító væri á leið frá félaginu. "Það getur vel verið, eins og hjá öllum öðrum verða sjálfsagt einhverjar hreyfingar. Það kemur bara í ljós, það er er ekkert á borði í því. Við erum svo eins og aðrir að líta aðeins í kringum okkur og ef við finnum einhvern sem okkur vantar og styrkir okkur þá skoðum við það," sagði Hermann í samtali við Vísi að leik loknum. Hermann sá fullt af jákvæðum hlutum í leik sinna manna þrátt fyrir 4-1 tap á heimavelli. "Við erum hundfúlir með stórt tap en það er hellingur jákvætt, ég get lofað þér því. Það var brjáluð vinnsla í liðinu, barátta og vilji. En þú þarft að verjast alls staðar, það er ekki nóg að verjast bara á miðjunni og taka annan bolta. KR er hörkulið og ef menn eru fríir inni í vítateig þá refsa þeir," bætti Hermann við. Fylkismenn lentu 2-0 undir strax eftir 10 mínútur en Hermann vildi þó meina að flestir í hans liði hefðu verið mættir til leiks í upphafi. "Flestir mættu til leiks. Það eru tveir einstaklingar sem verða að taka svolitla ábyrgð á þessu og voru bara ekki alveg vaknaðir," sagði Hermann en vildi þó ekki gefa upp hvaða leikmenn hann átti við og sagðist ætla ræða það inni í klefa. Fylkismenn voru í miklum vandræðum með pressu KR-inga í leiknum og gekk bölvanlega að halda boltanum innan liðsins. "Við pressuðum þá líka grimmt. Við fáum dauðafæri í stöðunni 2-1 og mörk breyta leikjum. En auðvitað er þetta alltaf smá brekka að lenda 2-0 undir eftir 10 mínútur. Andstæðingarnir fá byr undir báða vængi og sjálfstraust. En við sýndum flottan karakter hér í dag. Við héldum áfram og vorum enn að ógna hér á lokamínútunum og prófa markmanninn. Ég tek helling jákvætt úr leiknum og fullt af flottum punktum úr þessu. En við töpuðum 4-1 og þeir refsuðu vel í dag," sagði Hermann við Vísi að lokum. Óskar Örn: Við erum sáttirÓskar Örn Hauksson í leik gegn Grasshopper.Vísir/AntonÓskar Örn Hauksson var í lykilhlutverki gegn Fylki í kvöld en hann skoraði tvö mörk og lagði upp eitt með góðri sendingu á Aron Bjarka Jósepsson. „Ég er sáttur, eða við erum sáttir. Það hefur ekki verið nógu oft sem við fáum svona leiki og það er bara gaman að vinna,“ sagði Óskar í samtali við Vísi að leik loknum. „Boltinn er að detta inn núna. Við höfum verið að fá fullt af færum í leikjum á tímabilinu en ekki verið að nýta þau. Þau eru að detta og duttu í dag og það er ávísun á sigurleik ef maður skorar 4 mörk í leik.“ KR mætir Grasshopper í seinni leik liðana í Evrópudeildinni á útivelli á fimmtudag. Fyrri leikurinn á KR-vellinum lauk með 3-3 jafntefli. „Við erum bara á leið í mjög erfiðan leik. En við erum að fara í leik sem er opinn og það eru möguleikar í þessu. Við gerum okkar besta til þess að stríða þeim og gott betur en það,“ sagði Óskar Örn Hauksson að lokum.Mörkin úr fyrri hálfleik: Óskar Örn kemur KR í 1-4: Pepsi Max-deild karla Mest lesið Hætti við að hætta og samdi við Barcelona Fótbolti Aþena með tuttugu stiga sigur í nýliðaslagnum Fótbolti „Þetta var ekki fallegt en við tökum tvö stigin“ Körfubolti Salah setti met í sigri Liverpool Fótbolti Haukar og HK sættust á stig eftir æsispennandi leik Handbolti Óvænt tap meistaranna og fimm marka fjör hjá Juventus Fótbolti Schumacher sást meðal fólks í fyrsta sinn í ellefu ár Formúla 1 Ofurvaramaðurinn með ótrúlegt mark til að tryggja Aston Villa sigur Fótbolti Þúsund Walesverjar í Dalnum og Åge kallar eftir hjálp Fótbolti Ekki ánægður með stöðu Hákons Rafns Fótbolti Fleiri fréttir Snýr aftur heim í KR Tarik í bann eftir fræknu frammistöðuna Sjáðu slysalegt sjálfsmark og Emil skora í tólfta sinn Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Fram fær liðsstyrk úr Breiðholti Sjá meira
KR vann öruggan sigur á Fylkismönnum í Pepsi-deild karla á Flóridana-vellinum í Árbæ í kvöld og skilja Fylkismenn eftir í fallsæti, 4 stigum frá öruggu sæti. Yfirburðir KR voru algjörir og þeir voru komnir í 2-0 forystu eftir tíu mínútna leik. Fylkismenn náðu þó að minnka muninn fljótlega en Óskar Örn Hauksson kom KR í 3-1 fyrir leikhlé. Í síðari hálfleik var svipað uppi á teningunum þó svo að mörkin hafi verið færri. KR-ingar voru mikið betri og Óskar Örn bætti við öðru marki snemma í hálfleiknum. Fylkismenn voru aldrei líklegir til þess að ógna KR-ingum sem spiluðu vel á meðan heimamenn voru arfaslakir. Lokatölur 4-1 og KR eru því komnir með 5 stiga forystu á Árbæinga í neðri hluta Pepsi-deildarinnar. Fylkismenn sitja sem fastast í fallsæti.Af hverju vann KR? KR var einfaldlega mun betra liðið í kvöld og unnu sanngjarnan 4-1 sigur. Góð byrjun þeirra lagði grunninn að sigrinum og þó svo að Fylkismenn hafi náð að minnka muninn í 2-1 var aldrei spurning hvoru megin sigurinn myndi lenda. KR-ingar spiluðu vel í leiknum og sköpuðu sér góð færi fyrir utan þau sem þeir skoruðu úr. Fylkismenn fengu ágæt færi en þau voru ekki mörg og sóknarleikur þeirra gekk ekki vel. Willum Þór Þórsson er greinilega búinn að koma sjálfstrausti í KR liðið og sóknarleikurinn gengur mun betur. Fyrir leikinn voru þeir búnir að skora 8 mörk í deildinni en bættu heldur betur við þá tölu í kvöld.Þessir stóðu upp úr: Óskar Örn Hauksson átti mjög góðan leik í liði KR. Hann lagði upp mark fyrir Aron Bjarka Jósepsson og skoraði svo tvö mörk sjálfur, annað með skalla en hitt með þrumuskoti fyrir utan teig. Morten Beck var sömuleiðis öflugur í hægri bakverðinum hjá Vesturbæingum og lagði upp tvö mörk. Þá var Finnur Orri ágætur á miðjunni og Morten Beck Andersen virðist vera að komast í gang og hefur nú skorað þrjú mörk í síðustu tveimur leikjum, í Evrópukeppni og Pepsi-deildinni. Það var fátt um fína drætti hjá Fylki. Þeir sýndu á köflum ágæta baráttu og það var helst Andri Þór Jónsson sem sýndi sæmilegan leik. Ólafur Íshólm varði í nokkur skipti ágætlega.Hvað gekk illa? Sóknarleikur Fylkis og spilið úti á vellinum gekk ekki vel. KR-ingar pressuðu Fylkismenn vel framarlega á vellinum og Árbæingum gekk bölvanlega að leysa pressu KR. Heimamenn enduðu oft á því að senda langan bolta fram þar sem Albert Ingason gat lítið annað gert en að hlaupa og reyna að vinna boltann. Miðja Fylkismanna varð undir í dag og þjónustan við framherjana því lítil. Fylkismönnum gekk einnig illa að byrja leikinn. Þeir fengu á sig tvö mörk á fyrstu 10 mínútunum og eftir það var róðurinn þungur. Lið sem fær á sig fjögur mörk í leik þarf væntanlega að skoða varnarleikinn sinn betur og það verður verðugt verkefni fyrir Hermann að bæta hann.Hvað gerist næst? KR á Evrópuleik gegn Grasshopper í vikunni og halda til Sviss með 3-3 jafntefli á heimavelli í farteskinu. Það getur allt gerst en þeir eiga eflaust von á erfiðum leik. Þeir halda svo í Víkina og mæta þar heimamönnum í Pepsi-deildinni á mánudaginn í næstu viku. Jeppe Hansen er kominn til liðs við KR og fékk tækifærið í nokkrar mínútur í dag. Hann gæti reynst þeim dýrmætur en Morten Beck Andersen virðist vera búinn að finna skotskóna og því gæti Jeppe þurft að bíða um stund á varamannabekknum. Fylkismenn fá Stjörnuna í heimsókn í Árbæinn eftir viku en Stjörnumenn eru komnir á sigurbraut og hafa unnið tvo leiki í röð í deildinni. Það verður athyglisvert að sjá hvort Hermann Hreiðarsson nær að hrista Fylkisliðið saman fyrir þann leik. Willum Þór: Feykilega ánægður með stuðninginnWillum Þór þjálfari KRvísir/anton brinkWillum Þór Þórsson þjálfari KR var mjög ánægður með frammistöðu sinna manna í 4-1 sigrinum á Fylki í Árbæ í kvöld. „Ég er mjög ánægður með liðið í kvöld. Við vissum það að við værum að mæta hingað í mjög erfiðan leik á móti liði sem er búið að vinna síðustu tvo leiki og komnir í gang. Þeir spila mjög fast og ákveðið og við ákváðum að mæta því. Ég er virkilega ánægður með hvernig KR-liðið brást við í kvöld,“ sagði Willum Þór í samtali við Vísi að leik loknum. KR pressaði Fylkisliðið duglega í dag og réðu heimamenn lítið við þá pressu. „Við ætluðum að leggjast hátt á þá og pressa og reyna síðan að vinna úr því. Það auðvitað hjálpaði okkur að skora snemma og spilið var að virka mjög vel. Þegar mörkin koma og trúin eflist í liðinu þá virkar þetta vel og við sigldum þessu heim nokkuð agað. Ég var líka feykilega ánægður með stuðninginn sem við fengum í dag. Við þurftum á honum að halda og hann hjálpaði liðinu mikið í dag,“ sagði Willum Þór. Sóknarleikur KR virðist vera að lagast en fyrir leikinn höfðu þeir aðeins skorað 8 mörk í Pepsi-deildinni í sumar. „Við höfum aðallega lagt áherslu á liðsheildina og að vera ekki að gera of miklar breytingar. Gera einföldu hlutina vel og liðið hefur brugðist mjög vel við því,“ sagði Willum að lokum. Hermann: Getur vel verið að Sító fariHermann Hreiðarsson þjálfari FylkisJose Seoane Vergara, eða Sító eins og hann er oftast kallaður, sat allan tímann á bekknum hjá Fylkismönnum í tapleiknum gegn KR í kvöld. Vísir spurði Hermann Hreiðarsson, þjálfara Fylkis, að því hvort Sító væri á leið frá félaginu. "Það getur vel verið, eins og hjá öllum öðrum verða sjálfsagt einhverjar hreyfingar. Það kemur bara í ljós, það er er ekkert á borði í því. Við erum svo eins og aðrir að líta aðeins í kringum okkur og ef við finnum einhvern sem okkur vantar og styrkir okkur þá skoðum við það," sagði Hermann í samtali við Vísi að leik loknum. Hermann sá fullt af jákvæðum hlutum í leik sinna manna þrátt fyrir 4-1 tap á heimavelli. "Við erum hundfúlir með stórt tap en það er hellingur jákvætt, ég get lofað þér því. Það var brjáluð vinnsla í liðinu, barátta og vilji. En þú þarft að verjast alls staðar, það er ekki nóg að verjast bara á miðjunni og taka annan bolta. KR er hörkulið og ef menn eru fríir inni í vítateig þá refsa þeir," bætti Hermann við. Fylkismenn lentu 2-0 undir strax eftir 10 mínútur en Hermann vildi þó meina að flestir í hans liði hefðu verið mættir til leiks í upphafi. "Flestir mættu til leiks. Það eru tveir einstaklingar sem verða að taka svolitla ábyrgð á þessu og voru bara ekki alveg vaknaðir," sagði Hermann en vildi þó ekki gefa upp hvaða leikmenn hann átti við og sagðist ætla ræða það inni í klefa. Fylkismenn voru í miklum vandræðum með pressu KR-inga í leiknum og gekk bölvanlega að halda boltanum innan liðsins. "Við pressuðum þá líka grimmt. Við fáum dauðafæri í stöðunni 2-1 og mörk breyta leikjum. En auðvitað er þetta alltaf smá brekka að lenda 2-0 undir eftir 10 mínútur. Andstæðingarnir fá byr undir báða vængi og sjálfstraust. En við sýndum flottan karakter hér í dag. Við héldum áfram og vorum enn að ógna hér á lokamínútunum og prófa markmanninn. Ég tek helling jákvætt úr leiknum og fullt af flottum punktum úr þessu. En við töpuðum 4-1 og þeir refsuðu vel í dag," sagði Hermann við Vísi að lokum. Óskar Örn: Við erum sáttirÓskar Örn Hauksson í leik gegn Grasshopper.Vísir/AntonÓskar Örn Hauksson var í lykilhlutverki gegn Fylki í kvöld en hann skoraði tvö mörk og lagði upp eitt með góðri sendingu á Aron Bjarka Jósepsson. „Ég er sáttur, eða við erum sáttir. Það hefur ekki verið nógu oft sem við fáum svona leiki og það er bara gaman að vinna,“ sagði Óskar í samtali við Vísi að leik loknum. „Boltinn er að detta inn núna. Við höfum verið að fá fullt af færum í leikjum á tímabilinu en ekki verið að nýta þau. Þau eru að detta og duttu í dag og það er ávísun á sigurleik ef maður skorar 4 mörk í leik.“ KR mætir Grasshopper í seinni leik liðana í Evrópudeildinni á útivelli á fimmtudag. Fyrri leikurinn á KR-vellinum lauk með 3-3 jafntefli. „Við erum bara á leið í mjög erfiðan leik. En við erum að fara í leik sem er opinn og það eru möguleikar í þessu. Við gerum okkar besta til þess að stríða þeim og gott betur en það,“ sagði Óskar Örn Hauksson að lokum.Mörkin úr fyrri hálfleik: Óskar Örn kemur KR í 1-4:
Pepsi Max-deild karla Mest lesið Hætti við að hætta og samdi við Barcelona Fótbolti Aþena með tuttugu stiga sigur í nýliðaslagnum Fótbolti „Þetta var ekki fallegt en við tökum tvö stigin“ Körfubolti Salah setti met í sigri Liverpool Fótbolti Haukar og HK sættust á stig eftir æsispennandi leik Handbolti Óvænt tap meistaranna og fimm marka fjör hjá Juventus Fótbolti Schumacher sást meðal fólks í fyrsta sinn í ellefu ár Formúla 1 Ofurvaramaðurinn með ótrúlegt mark til að tryggja Aston Villa sigur Fótbolti Þúsund Walesverjar í Dalnum og Åge kallar eftir hjálp Fótbolti Ekki ánægður með stöðu Hákons Rafns Fótbolti Fleiri fréttir Snýr aftur heim í KR Tarik í bann eftir fræknu frammistöðuna Sjáðu slysalegt sjálfsmark og Emil skora í tólfta sinn Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Fram fær liðsstyrk úr Breiðholti Sjá meira
Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn