Sjáðu stur­lað mark Tómasar, rassamark Vals og tvennur Galdurs og Bene­dikts

Galdur Guðmundsson skoraði tvö marka KR í 5-1 sigrinum gegn ÍA í gær. KR er þar með aðeins sex stigum á eftir toppliði Víkings en Víkingar eiga leik til góða við Keflavík í kvöld.

Valsmenn unnu 4-1 sigur gegn Þór, þrátt fyrir að hafa lent undir, þar sem eitt marka heimamanna kom eftir að spyrna Lúkasar Loga Heimissonar utan teigs fór af afturenda varnarmanns í háum boga í markið. Þá hélt Patrick Pedersen áfram að bæta markametið í sögu efstu deildar.

Benedikt Warén skoraði bæði mörk Stjörnunnar sem jók enn á raunir ÍBV en Eyjamenn eru í botnsæti deildarinnar.

Í Kaplakrika unnu svo FH-ingar eins og fyrr segir afar dýrmætan 3-0 sigur gegn KA og bjuggu sér til örlítið andrými á meðan að KA-menn sitja enn í fallsæti, stigi á eftir Þór. Draumamark Tómasar Orra, úr frábæru skoti utan teigs, stóð þar upp úr þó að Adolf Daði Birgisson hafi einnig gert afar snoturt mark.