Veitingastaðir nota pokémona til að veiða viðskiptavini

Veitingastaðir og verslanir víða um heim hafa gripið til þess ráðs að laða að sér pokémona í þeirri von að fleiri viðskiptavinir fylgi í kjölfarið. Það sem meira er, herbragðið virðist virka.

Fyrir þá sem hafa ekki nennu í að leita að kvikindunum út um allt þá er hægt að leggja agn fyrir þau gegn vægu gjaldi. Agnið er þá sett við pokéstop að eigin vali og þá birtast fleiri, og oftar en ekki sjaldgæfari, þó ekki þeir sjaldgæfustu, pokémonar við pokéstoppið í þrjátíu mínútur. Allir spilarar geta notið góðs af agninu.

Kaffihús og veitingastaðir úti í hinum stóra heimi hafa nýtt sér þennan möguleika. Sé pokéstop nálægt þeim hafa mörg þeirra keypt agn á stoppið. Þjálfarar geta þá setið á kaffihúsinu og fangað pokémona án þess að vera á flakki um allt. 

Kostnaðurinn við slíkt er hlægilega lítill en reiknað hefur verið út að það myndi kosta veitingastað 1,17 dollara á klukkustund að hafa agn fyrir framan staðinn sinn í heilan dag. Það er andvirði rétt rúmlega 140 króna á klukkustund. 

Eigandi smás pítsastaðar í New York merkti 75 prósenta aukningu á viðskiptum við sig eftir að staðurinn hóf að kaupa tálbeitu fyrir framan staðinn sinn. „Ofboðslega margt fólk hefur komið vegna þessa,“ sagði eigandi staðarins í samtali við New York Post. 

Í viðtali við Financial Times sagði John Hanke, forstjóri Niantic, að svo gæti farið að fólk geti látið bæta við pokéstoppum í nágrenni sínu gegn vægu gjaldi.

Why your restaurant should consider setting up a #PokemonGO lure system / IRL trap — it's only $1.17 per hour. pic.twitter.com/0UaN32i2xm

— Sebastian Fung (@sebfung) July 11, 2016