Pepsimörkin: Hundleiðinlegt að fara á Kópavogsvöll

Mörkunum hefur ekki beint rignt á Kópavogsvelli í sumar og svo lítið hefur verið skora að Hörður Magnússon, umsjónarmaður Pepsimarkanna, kallaði völlinn bókasafnsvöllinn í Kópavogi.

Blikar hafa aðeins skorað fjögur mörk í sjö heimaleikjum í sumar en á útivelli er sagan allt önnur hjá Kópavogsbúum.

Í heildina hafa aðeins verið skoruð níu mörk í heildina á Kópavogsvelli í þessum sjö deildarleikjum.

„Það er búið að vera hundleiðinlegt að fara á Kópavogsvöll í sumar. Það er bara þannig,“ sagði Hjörtur Hjartarson, sérfræðingur Pepsimarkanna.

Sjá má umræðuna um Blikaliðið í Pepsimörkunum hér að ofan.